ما رايك فيما يحدث فى مصر؟؟؟

أدخل وشاركنا برأيك وقول لنا انت مؤيد لنظام الرئيس مبارك ومتأكد انه نظام صالح.

ولا انت تعارض هذا النظام وترى انه نظام فاسد وتوافق المتظاهرين فى احتجاجاتهم.

رأيك يهمنا وارجو من الاعضاء التفاعل .

هو طبعا فاسد بس انا مش مع المظاهرة بعد قرار الرئيس امس حرام الى بيعملو فى البلد حراممممممممممممممممممممممممممممممممممممممممممممممممممممممممممممم Crying or Very sad

مش هو نظام فاسد زى ماقلت يبقى لازم نغيره بالمظاهرات
والمظاهرين مش بيعملو حاجة دا هى مظاهرات سلمية
بس الى بيخربوا هم الشرطة فى يوم الجمعة
والمظاهرات اللى مع الرئيس هاجموا على ميدان التحرير وخربوا الاماكن المجاورة كل ده عشان الفلوس
اما المظاهرات المعارضه للنظام دى مظاهرات سلميه ومش بتخرب حاجه
ارجو ان اسمع ردك مرة تانيه ويسعدنى انك تكونى اول واحدة ترد على الموضوع

أنا شخصيا أعارض بشدة هذا النظام وارى انه نظام فاسد فاسد فاسد
وارى ان حسنى مبارك هذا خائن خائن خائن
امس عندما القى مبارك خطابه توقعنا انه صادق فيما يقول وانه فعلا يريد ان يصلح مصر
لكن ما رايناه اليوم يؤكد لنا انه كاذب وميدان التحرير يشهد على ذلك
يسقط مبارك

جارى النقل الى القسم المناسب

زائر

أولاً شكراً جزيلا يا فاطمة على مواضيعك الجميلة دى
بس احب اقول رأيى

اولاُ انا مش بتدخل فى السياسة نهائى بس اللى بيحصل فـ مصر دا غير لائق

وبعدين دا أكبر دليل على إن الشعب المصرى دا شعب يحب التقليد !!!

يعنى ليه المظاهرات دى مطلعتش من زمان ولا المظاهرات حلوة بعد ما تونس عملتها

وثانيا الرئيس مبارك لم يفعل شىء ولكن اللى فعل من هم يقومون بالمسؤلية خلفه
يعنى المظاهرات طلعت عاوزين يغيروِا النظام اهو الرئيس غير النظام بإقالة بعد الوزراء
وعلى رأسهم أكبر حرامى اللى هو رئيس الوزراء أحمد نظيف

بس عاوز اقول حاجة لو أى حد غير الرئيس مبارك مسك الرئاسة مصر مش هاتعيش فـى امان والله والله والله مصر مش هاتعيش فى امان
انتوِا عاوزين مين يمسك الرئاسة عاوزين البرادعى اللى مش عارف ايه قريته
ومش عايش فى مصر كتير وطبعا هو سلم العراق لأميركا
وطبعا البرادعى مش عايش زى الشعب المصرى
دا عايش عيشة امريكا يعنى مايعرفش حاجة عن أكل المصرى البسيط
يعنى مايعرف ايه فول ولا عدس ولا الحاجات دى
هو يعرف بس الحاجات الفخمة وبعدين مين البرادعى دا علشان نديله عمل ايه لـمصر
كل دا علشان جائزة نوبل والحاجات التافهه دى
طيب لولا الرئيس مبارك كانت مصر عاشت فى حروب والله مكانتش عاشت فى امان

وحياة ربنا لو اى حد مسك الرئاسة غير مبارك مصر مش هاتبقى بلد آمنة نهائى

شوفوِا نفسكم انتوِازاى كنتو بتمشو فى امان مفيش امريكى احتل البلد ولا اسرائيلى
ولا غيرهم من البلاد مش كل دا بسبب الرئيس مبارك
جايين دلوقتى تقولو يسقط الرئيس
والله مصر من غير الرئيس مبارك متبقاش مصر
يعنى شوفو انتو 30 سنة مصر عايش فـ امان محدش سمع مصر اشتركت فى حرب ولا الكلام دا ............

انا مقدرش اقول ان الرئيس مبارك ليه سلبيات لكن ايضاً ليه ايجابيات كتيرة جدا جدا جدا

بس بجد هو قرار انه شال رئيس الوراء دا احسن قرار

وسيبكم بقى من حكاية الناس اللى بتقول يسقط الرئيس ولا الهتافات اللى لا تفيد ولا هاتغير حاجة
وانا واثق 100 بـ 100 ان نص اللى بيهتفوِا فى المظارهات مايعرفوش اى حاجة

وعلشان تتأكدوِ ان البرادعى دا عميل أمريكا
(شوفوِا فى ميدان التحرير كانوِا بيعطوِا لكل واحد 50 جنيه وأكل فخم جدا علشان الناس تهتف بإسقاط الرئيس مبارك ..

ياجماعة شوفوِا اخر خطاب ليه وانتوِا تعرفوِا ازاى هو كان راجل بمعنى الكلمة
وهو لو مش راجل كان ساب مصر وهرب زى رئيس تونس ...

بصراحة انا مش مع اللى بيقول ( يسقط الرئيس ) ودا رايي

اولا انا بشكر فاطمة على الموضوع المهم للغاية
أنا طبعا من المعارضين
وانا اتمنى انى اكون فى المظاهرات
لانى ضد الفاسد يعنى ضد مبارك
هو ضحك على الناس بالكلام امس
مبارك بيفسد مصر وهو خائن خائن خائن
مبارك أس الفساد فى مصر
يسقط يسقط مبارك
على فكرة انا اول مرة اكون سياسية
ومرة تانية بشكر فاطمة

السلام عليكم ورحمة الله وبركاته

اولا انا بشكرك يا فاطمه لطرحك المميز للقضية دى لانها بجد قضية مهمة وتحتاج النقاش
وثانيا انا كلامى كله هيبقى بشعارات وهتافات الشعب المصرى
انا عاوز اعرف الناس اللى بيأيدو الريس بيأيدوه ليه هو عملنا ايه واحد يقلى صاحب الضربة الجوية والسلام
( آل صاحب الضربة الجوية و فى عهده كتر الحرامية )
ايه تانى هو عمله حد يقولى ......
انا بأيد الشعب المصرى كله ماعدا الخونه الى بيأيدوه وانا اطلقت عليهم اسم خونه
وجاى دلوقتى يعين نائب ليه بعد 30 سنة وبعيد سليمان ده زيه وامر مينفعش يبقى رئيس برده ( مبارك وسليمان الافعى والثعبان عملاء الامريكان )
وهو مبارك عاوز مننا ايه
( هو مبارك عايز ايه .. عايز الشعب يبوس رجليه .... لا يا مبارك مش هنبوس .. وبكره عليك بالجزمة ندوس )
ومن الاخر يسقط مبارك يسقط النظام يسقط يسقط يسقط
( الشعب يريد اسقاط الرئيس ..... الشعب يريد اسقاط النظام )
وشكرا
كان معكم محدثكم عمرو جمال ميدان الشهداء بالمنصوره وغدا انشاء الله فى ميدان التحرير بالقاهرة

قد يولد حب كتب:: أولاً شكراً جزيلا يا فاطمة على مواضيعك الجميلة دى
بس احب اقول رأيى

اولاُ انا مش بتدخل فى السياسة نهائى بس اللى بيحصل فـ مصر دا غير لائق

الى بيحصل فى مصر هيخليك تتكلم فى السياسه

وبعدين دا أكبر دليل على إن الشعب المصرى دا شعب يحب التقليد !!!

مش هكدب لو قولت لك إنو مش بيحب التقليد!

يعنى ليه المظاهرات دى مطلعتش من زمان ولا المظاهرات حلوة بعد ما تونس عملتها

لأن جه الوقت إلى لازم مصر تتكلم وتحكى عن غضبها وعن الظلم الى هى عايشه فيه
وجه الى يشجعها على عمل كده وهما أهل تونس الله يبارك لهم

وثانيا الرئيس مبارك لم يفعل شىء ولكن اللى فعل من هم يقومون بالمسؤلية خلفه
يعنى المظاهرات طلعت عاوزين يغيروِا النظام اهو الرئيس غير النظام بإقالة بعد الوزراء
وعلى رأسهم أكبر حرامى اللى هو رئيس الوزراء أحمد نظيف

نعم!
إيه إلى مبارك لم يفعل شئ
وأى حد بيسكت عن الباطل فهو نفسه باااطل
ومبارك سكت عن الباطل كتيييييير وسرق ونهب كتير
ومن وراءه الوزراء
أقرب مثال
فى حد كويس بيصاحب حد مش كويس
ويفضلوا مع بعض30سنه!!!!
والله لو ده حصل يبقى شعب مصر كلة يستحق القتل
لكن والله ربنا مش هيسكت عن الظلم إلى عاش فيه أهل مصر
كل من وقف بميدان التحرير
وكل من خرج من بيته
وكل من هتف بصوت عالِ فهو إتظلم كثيرا وكثيرا
فليس من العقل أن يخرج شخص معه المال
ولا يشعر بالفقر ولا يشعر بالشعب بالمره
أخى الكريم إذا كان الرئيس
حاكم وعادل
فإن من يعملون معه
سيبقون حاكمون وعادلون
ولكن لم يروا من هوا الحاكم الذى يتتبعون
ويمشون خلفه
ولكن رأوا كل شئ
تزوير
خيانه
عدم الوفاء بالعهد
كره
بغض
حب للنفس
.....إلخ
كثير وكثير فلماذا لا يفعلون ما يريدونه ؟
بالطبع سيفعل كل وزير ما يدور بداخل رأسه
ويوصلون لفعل الأشياء المحرمه
وأكبر دليل
تزوير إنتخابات مجلس الشعب
وتسقيط الإخوان الملسلمون على مستوى الجمهورية
أنا لا أقول أن مبارك لم يفعل شئ
نعم فعل ولكن لم يفعل لجميع الشعب
بل للبعض منهم
ولم يقم بتنفيذ رغباتهم
ولكن زاد كرهى له
عندما قال
(إذا كان الشعب يعند فأنا أخذ دكتوراه فى العناد!!!!!)

بس عاوز اقول حاجة لو أى حد غير الرئيس مبارك مسك الرئاسة مصر مش هاتعيش فـى امان والله والله والله مصر مش هاتعيش فى امان

ليه بتحلف إحنا هنصدقك من غير حلفان
بس شعب مصر يحب التغير
ونحن ولدنا منذ زمان ولم يتغير الرئيس
وإحنا مش عايزين نعيش بأمان يطلع مبارك بس
والأمان هيعم على طول
إطلع بقى وسيبها عاوز منها إيه تانى؟

انتوِا عاوزين مين يمسك الرئاسة عاوزين البرادعى اللى مش عارف ايه قريته
ومش عايش فى مصر كتير وطبعا هو سلم العراق لأميركا
وطبعا البرادعى مش عايش زى الشعب المصرى
دا عايش عيشة امريكا يعنى مايعرفش حاجة عن أكل المصرى البسيط
يعنى مايعرف ايه فول ولا عدس ولا الحاجات دى
هو يعرف بس الحاجات الفخمة وبعدين مين البرادعى دا علشان نديله عمل ايه لـمصر
كل دا علشان جائزة نوبل والحاجات التافهه دى
طيب لولا الرئيس مبارك كانت مصر عاشت فى حروب والله مكانتش عاشت فى امان

وحياة ربنا لو اى حد مسك الرئاسة غير مبارك مصر مش هاتبقى بلد آمنة نهائى

لا تعلييييييييييييييق

شوفوِا نفسكم انتوِازاى كنتو بتمشو فى امان مفيش امريكى احتل البلد ولا اسرائيلى
ولا غيرهم من البلاد مش كل دا بسبب الرئيس مبارك

أكيد كل دا بسبب الرئيس
لأنه كان بيلبى رغباتهم ويسرق البلد ويعطيهم
مصر فقرت من قله؟

جايين دلوقتى تقولو يسقط الرئيس
والله مصر من غير الرئيس مبارك متبقاش مصر
يعنى شوفو انتو 30 سنة مصر عايش فـ امان محدش سمع مصر اشتركت فى حرب ولا الكلام دا ............

يسقط مبارك يسقط مبارك ويسقط نظامه

انا مقدرش اقول ان الرئيس مبارك ليه سلبيات لكن ايضاً ليه ايجابيات كتيرة جدا جدا جدا

أكيد أول إيجابيه هى العناد
ثانى إيجابيه هى النتانه
ثالث إيجابيه هى البلاده
رابع إيجابيه هى الغتاته

بس بجد هو قرار انه شال رئيس الوراء دا احسن قرار

وسيبكم بقى من حكاية الناس اللى بتقول يسقط الرئيس ولا الهتافات اللى لا تفيد ولا هاتغير حاجة
وانا واثق 100 بـ 100 ان نص اللى بيهتفوِا فى المظارهات مايعرفوش اى حاجة

فعلا هما مش بيعرفوا شئ
لكن حاسين بالظلم ومش لاقين أكل
إنت بتتعشى إنهارده غيرك مش لاقى ياكل أصلا
بتقول الكلام ده لأنك مش حاسس بيهم

وعلشان تتأكدوِ ان البرادعى دا عميل أمريكا
(شوفوِا فى ميدان التحرير كانوِا بيعطوِا لكل واحد 50 جنيه وأكل فخم جدا علشان الناس تهتف بإسقاط الرئيس مبارك

لا إنت فهمت الكلام غلط
أعطوا لكل واحد خمسين جنيه حتى يقوموا بتأيد مبارك إفهموا بقى يا شععععععب

..

ياجماعة شوفوِا اخر خطاب ليه وانتوِا تعرفوِا ازاى هو كان راجل بمعنى الكلمة
وهو لو مش راجل كان ساب مصر وهرب زى رئيس تونس ...

حسنى مبارك جبان ليس إلا
والدليل هوا هروب إبنه
وخوفة شخصيا عندما كان يوجه الخطاب للشعب
الله لايوفقه

بصراحة انا مش مع اللى بيقول ( يسقط الرئيس ) ودا رايي

الإختلاف فى الرأى لا يفسد للود قضيه

وده كان ردى على كلامك ده
بجد وربنا عالم معرفش كتبت الكلام ده إزاى
والله بكتبه بدموع عينى
حزنا على شعب مصر
وحزنا على الرئاسه الظالمه التى لاتعرف الله
حزنا على مايحدث
يا الله إرحمنا جميعا وإرحم شهداء ثورة مصر لـ2011

ولى صديقة أخيها يعمل ظابط فى النيابه العامه
حكى لهم أشياء قذره عن هذا الخنزير
ومايفعله من وراء شعبه
عميل اسرائيل

الى بيورد الغاااااز ليها بعشر الثمن
واحنا هنا مش لقين انبوبه حتى
حسبنا الله ونعمه الوكيل

حسبنا الله ونعم الوكيل

اولا انا بشكرك يا فاطمة على الموضوع ده

انا لااحب السياسة ذى منتى اولتى الرئيس والنظام فاسد بس

عجبك الى بيحصل فى بلدى و بلدك مصرنا الحبيبة يعنى احنا صبرنا 30 سنة

ومنصبرش كام شهر بدل المظهرات ونختار الرئيس الى احنا عيزينوا سعتها

بدل الى بيحصل فى مصر

قد يولد الحب
طبعا مريم قالت كل الى انا عاوزه اقوله فامفيش داعى اعيده تانى بس عايزه اقول ان الشعب المصرى مش عايز البرادعى ولا حاجه احنا عايزين رئيس ينهض بمصر مش البرادعى

وبشكر كل الاعضاء الى شاركو فى الموضوع

زائر

مريومهـ كتب:

قد يولد حب كتب:: أولاً شكراً جزيلا يا فاطمة على مواضيعك الجميلة دى
بس احب اقول رأيى

اولاُ انا مش بتدخل فى السياسة نهائى بس اللى بيحصل فـ مصر دا غير لائق

الى بيحصل فى مصر هيخليك تتكلم فى السياسه

وبعدين دا أكبر دليل على إن الشعب المصرى دا شعب يحب التقليد !!!

مش هكدب لو قولت لك إنو مش بيحب التقليد!

يعنى ليه المظاهرات دى مطلعتش من زمان ولا المظاهرات حلوة بعد ما تونس عملتها

لأن جه الوقت إلى لازم مصر تتكلم وتحكى عن غضبها وعن الظلم الى هى عايشه فيه
وجه الى يشجعها على عمل كده وهما أهل تونس الله يبارك لهم

هههههههههههههههههههههههههه
حلوة اهل تونس دى ههههههههههه
غضب مين بس كان فين الغضب دا يوم ما كان كيلوِا الطماطم بـ 10 جنيه ويوم ما كان كيلوِا اللحمة بـ 60 جنيه
سيبك من الكلام دا هو الشعب المصرى كدا بيموت ف حاجة اسمها تقليد
والله لو تونس معملتش كدا مصر كانت هاتفضل كدا على طول لغاية لما اى دولة تعمل اللى عملته تونس ..

وثانيا الرئيس مبارك لم يفعل شىء ولكن اللى فعل من هم يقومون بالمسؤلية خلفه
يعنى المظاهرات طلعت عاوزين يغيروِا النظام اهو الرئيس غير النظام بإقالة بعد الوزراء
وعلى رأسهم أكبر حرامى اللى هو رئيس الوزراء أحمد نظيف

نعم!
إيه إلى مبارك لم يفعل شئ
ايوة معملش حاجة
وأى حد بيسكت عن الباطل فهو نفسه باااطل
هو سكت على إيه هو لو كان عاوز يعمل زى رئيس تونس ويهرب كان عملها وهرب
لكن هو طلع راجل وفضل لغاية النهاية
ومبارك سكت عن الباطل كتيييييير وسرق ونهب كتير

هههههههههههههههههههه
سكت ازاى بس هو لو سكت مكانش طلع ولا قال خطاباته ولا مكانش فضل لغاية النهاية
ومن وراءه الوزراء
أقرب مثال

الوزراء دول اكبر حرامية والحمد لله كبيرهم احمد نظيف طلع والحرامى الكبير بطرس غالى مشى
وغيرهم يعنى غير نظام السياسة بإقالة الوزراء
فى حد كويس بيصاحب حد مش كويس

فيه طبعا بس لما بيكتشف الصاحب دا انه مش كويس مش بيمشى معاه
ويفضلوا مع بعض30سنه!!!!

لا طبعا مفيش صاحب عارف صاحبه مش كويس ويمشى معاه 30 سنة !!!!!!!!
وبعدين هو عيشك وعيشنى وعيش شعب مصر فى امان 30 سنة !
والله لو ده حصل يبقى شعب مصر كلة يستحق القتل
لا طبعا لو اى حد غير مبارك مسك الرئاسة الشعب مش هايعيش فى امان
والله تانى مفيش اى حد من اللى هايرشح نفسه للرئاسة سياسى زى مبارك
ومن غير سياسته مكنتش مصر عاشت فى امان لفترة طويلة

لكن والله ربنا مش هيسكت عن الظلم إلى عاش فيه أهل مصر

أكيد ربنا سبحانه وتعالى مش هايسكت على الظلم
بس والله اللى بيشوف كويس واللى بيفكر كويس واللى بينظر لمصر نظرة الامان والسلم وليس الحرب
هايقول ان مبارك هو مصر ومصر هي مبارك !!!
كل من وقف بميدان التحرير
وكل من خرج من بيته
وكل من هتف بصوت عالِ فهو إتظلم كثيرا وكثيرا
فليس من العقل أن يخرج شخص معه المال
ولا يشعر بالفقر ولا يشعر بالشعب بالمره

لا طبعا مش كل اللى فى ميدان التحرير كانو طالعين علشان يهتفو
فيه اللى طالع علشان يسرق واللى طالع علشان يقبض فلوس واكل من الدول الاجنبية
وبعدين فيه ناس موظفة فى شركات كبرى وفى مطاعم كبيرة جدا وبتأخذ مرتب كبير جدا
وطلعت فى المظاهرات علشان تسرق يعنى بزمتك دول نسميهم ايه ؟؟؟؟؟؟؟؟؟؟؟

أخى الكريم إذا كان الرئيس
حاكم وعادل
فإن من يعملون معه
سيبقون حاكمون وعادلون
ولكن لم يروا من هوا الحاكم الذى يتتبعون
ويمشون خلفه
ولكن رأوا كل شئ

تزوير

طيب تزوير هو زور ايه ؟؟؟؟؟؟؟؟؟؟؟
خيانه

الخيانة هو خان ايه ؟؟؟؟؟؟؟ هو لو خاين كان ساب البلد وهرب زى رئيس تونس
عدم الوفاء بالعهد

ليه عدم الوفاه بالعهد
هو لو مش وفى بالعهد كان خلى الشعب يعيش فى حرب وخوف وجبن من باقى الشعوب
كره

كره ؟؟؟؟؟؟؟ اول مرة اسمع كدا

بغض
لا تعليق !!!!!!!!!!!!!
حب للنفس

ليه حب النفس ؟؟؟؟؟؟؟؟ هو لو بيحب نفسه كان قال انا خلاص مش هاقعد فى البلد وهامشى وان شاء الله مصر تولع باهلها انا خلاص اكتفيت اروح اعيش فى اى بلد بره واتمتع بالفلوس انا وولادى وتغور مصر !!!!!!!
لكن هو محبش نفسه ولا قال كدا هو فضل لغاية النهاية
.....إلخ
كثير وكثير فلماذا لا يفعلون ما يريدونه ؟
بالطبع سيفعل كل وزير ما يدور بداخل رأسه
ويوصلون لفعل الأشياء المحرمه
وأكبر دليل
تزوير إنتخابات مجلس الشعب

فى حكاية تزوير الانتخابات هو مزورش بس اللى زور احمد عز وقدم إقالته
ومتهايالى لو الرئيس كان بيزور كان جعل احمد عز يهرب بالشنط اللى معاه
لكن هو هرب بره مصر مبالغ كبيرة لكن فى اخر مرة اتمسك فى المطار بكام شنطة فيها فلوس ... والشنط رجعت وهو سافر ..
وتسقيط الإخوان الملسلمون على مستوى الجمهورية

طيب مين اللى كان ماسك الاخوان غير مبارك
انتو سمعتو اخوان طلعت غير لما حصلت المظاهرات دى
ولولا مبارك كان الاخوان فى كل مكان فى مصر
أنا لا أقول أن مبارك لم يفعل شئ
نعم فعل ولكن لم يفعل لجميع الشعب
بل للبعض منهم
ولم يقم بتنفيذ رغباتهم

يعنى مش نصبر عليه ؟؟؟؟؟؟؟؟؟؟؟؟
هو عمل كتير وفيه ناس معملهاش اى حاجة بس يعنى الشعب المصر اكتر من 80 مليون فرد
يعنى متهايالى هو مش هايقدر ينفذ رغباتهم مرة وحدة لا طبعا لازم يكون فيه صبر !!!
ولكن زاد كرهى له
عندما قال
(إذا كان الشعب يعند فأنا أخذ دكتوراه فى العناد!!!!!)

لا تعليق على كلام مالهوش اساس من الصحة !!!!!!!!!!!!!!!!!

بس عاوز اقول حاجة لو أى حد غير الرئيس مبارك مسك الرئاسة مصر مش هاتعيش فـى امان والله والله والله مصر مش هاتعيش فى امان

ليه بتحلف إحنا هنصدقك من غير حلفان
بس شعب مصر يحب التغير
لا طبعا مش يحب التغيير هو يحب التقليد
ونحن ولدنا منذ زمان ولم يتغير الرئيس
اكيد بس لما اتولدتى عشتى فى امان لغاية هذه اللحظة وبفضل الله سبحانه وتعالى وبفضل مبارك كان السلام فى مصر دائم من غير حروب !!
وإحنا مش عايزين نعيش بأمان يطلع مبارك بس
والأمان هيعم على طول
إطلع بقى وسيبها عاوز منها إيه تانى؟

ههههههههههههههههه
والله هاتعيشوِا فى تعاسة شديدة ومش هاتعرفوِا طعم الامان خالص

انتى عاوزة مين يمسك الرئاسة ؟؟؟؟؟؟؟؟؟؟ هاتقوليلى واحد واخد دكتوراه فى السياسة !!!!!!
صدقينى محدش غير مبارك ينفع لمصر لانه هو بس اللى يعرف سياسة البلاد ومحدش غيره يعرفها

انتوِا عاوزين مين يمسك الرئاسة عاوزين البرادعى اللى مش عارف ايه قريته
ومش عايش فى مصر كتير وطبعا هو سلم العراق لأميركا
وطبعا البرادعى مش عايش زى الشعب المصرى
دا عايش عيشة امريكا يعنى مايعرفش حاجة عن أكل المصرى البسيط
يعنى مايعرف ايه فول ولا عدس ولا الحاجات دى
هو يعرف بس الحاجات الفخمة وبعدين مين البرادعى دا علشان نديله عمل ايه لـمصر
كل دا علشان جائزة نوبل والحاجات التافهه دى
طيب لولا الرئيس مبارك كانت مصر عاشت فى حروب والله مكانتش عاشت فى امان

وحياة ربنا لو اى حد مسك الرئاسة غير مبارك مصر مش هاتبقى بلد آمنة نهائى

لا تعلييييييييييييييق

ههههههههههههههههههههههههه

شوفوِا نفسكم انتوِازاى كنتو بتمشو فى امان مفيش امريكى احتل البلد ولا اسرائيلى
ولا غيرهم من البلاد مش كل دا بسبب الرئيس مبارك

أكيد كل دا بسبب الرئيس
لأنه كان بيلبى رغباتهم ويسرق البلد ويعطيهم
مصر فقرت من قله؟

ليه فقرت هو علشان بيعشنا فى امان يبقى بيسرقنا ؟؟؟؟؟؟؟؟؟؟؟

جايين دلوقتى تقولو يسقط الرئيس
والله مصر من غير الرئيس مبارك متبقاش مصر
يعنى شوفو انتو 30 سنة مصر عايش فـ امان محدش سمع مصر اشتركت فى حرب ولا الكلام دا ............

يسقط مبارك يسقط مبارك
لا طبعا ان شاء الله مش هايسقط وهاتفضل مصر بمبارك ومبارك لمصر
واى حد يمسك مصر غير مبارك يبقى مصر هاتسقط !!
ويسقط نظامه
طيب مش اقال بعض الوزراء عاوزين ايه تانى فيه ايه نظام تانى
صدقونى انتو بتهتفو على حاجة مش عارفينها !!!!!
انا مقدرش اقول ان الرئيس مبارك ليه سلبيات لكن ايضاً ليه ايجابيات كتيرة جدا جدا جدا

أكيد أول إيجابيه هى العنادX
لا طبعا مش ايجابيات دى
ايجابيته السلام مع البلاد
ثانى إيجابيه هى النتانهX
ههههههههههههه
ليه هو عيشنا فى عفن وجرب وقرف ؟؟؟؟؟؟؟؟
يا شيخة قولى كلمة حق
ثالث إيجابيه هى البلاده X
ههههههههههههههه
ليه بلادة هو واخد دبلوم صنايع ولا دبولوم تجارة ولا مش بيعرف يمسك القلم !!!!!!!!!!
هو لو بليد زى ما بتقولى مكانش عرف يعيشنا فى سلام وامان

رابع إيجابيه هى الغتاته X

ههههههههههههههههههههههههههه
حلوة غتاتة دى بصراحة الرئيس مبارك مايعرفش ايه معناها علشان يعملها !!!!!!!!

بس بجد هو قرار انه شال رئيس الوراء دا احسن قرار

وسيبكم بقى من حكاية الناس اللى بتقول يسقط الرئيس ولا الهتافات اللى لا تفيد ولا هاتغير حاجة
وانا واثق 100 بـ 100 ان نص اللى بيهتفوِا فى المظارهات مايعرفوش اى حاجة

فعلا هما مش بيعرفوا شئ
لكن حاسين بالظلم ومش لاقين أكل

أكل ايه بس
نص اللى كانو موجودين فى المظاهرة كانو بيأخذو 50 جنيه ووجبة كنتاكى علشان يهتفو باسقاط مبارك !!
إنت بتتعشى إنهارده غيرك مش لاقى ياكل أصلا
بتقول الكلام ده لأنك مش حاسس بيهم

ههههههههههههههههههههههههههههههههه
اعتبرينى انا مش بتعشى انا بكمل عشايا نوم ههههههههههه
مين اللى قالك مش حاسس بيهم انا حاسس بس مع الناس اللى مظلومة بجد
مش الناس اللى جايا تهتف علشان تاخد فلوس ولا وجبة

وعلشان تتأكدوِ ان البرادعى دا عميل أمريكا
(شوفوِا فى ميدان التحرير كانوِا بيعطوِا لكل واحد 50 جنيه وأكل فخم جدا علشان الناس تهتف بإسقاط الرئيس مبارك

لا إنت فهمت الكلام غلط
أعطوا لكل واحد خمسين جنيه حتى يقوموا بتأيد مبارك إفهموا بقى يا شععععععب

هههههههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههه
ههههههههههههههههه
هههههههههه
ههههه
هه
ه
والله ضحكتينى جدا جدا جدا جدا
انتى سمعتى غلط والله انا الحمد لله كلامى موثوق منه والناس اللى بتاخد الحاجات دى علشان تهتف باسقاط مبارك .... وفيه ناس شافت الكلام دا وقالت ان بيدونا الفلوس والوجبة ويقولولنا اهتفو باسقاط الرئيس
هو كدا شعب مصر بيحب ينفذ اللى فى دماغه وعلشان كدا احنا دايما فى الخلف وليس فى الامام

..

ياجماعة شوفوِا اخر خطاب ليه وانتوِا تعرفوِا ازاى هو كان راجل بمعنى الكلمة
وهو لو مش راجل كان ساب مصر وهرب زى رئيس تونس ...

حسنى مبارك جبان ليس إلا
والدليل هوا هروب إبنه
وخوفة شخصيا عندما كان يوجه الخطاب للشعب
الله لايوفقه

ان شاء الله ربنا يوفقه وهايخذل الجاحدين والكاظمين وهاينصره بإذن الله

بصراحة انا مش مع اللى بيقول ( يسقط الرئيس ) ودا رايي

الإختلاف فى الرأى لا يفسد للود قضيه

أكيد

وده كان ردى على كلامك ده

وانا رديت على كلامك ده اللى كتبتيه
بجد وربنا عالم معرفش كتبت الكلام ده إزاى

انتى ادرى
والله بكتبه بدموع عينى

معلش هي مصر كدا دايما بتصعب علينا وبنعيط عليها
حزنا على شعب مصر

كله حزين على شعب مصر
وحزنا على الرئاسه الظالمه التى لاتعرف الله

ليه هو الرئيس كافر ؟؟؟؟؟؟؟؟؟؟؟؟؟؟
حرام عليكى
حزنا على مايحدث

يلا ربنا يتولا الشعب المصرى برحمته
يا الله إرحمنا جميعا وإرحم شهداء ثورة مصر لـ2011

اللهم آ آ آ آمين

بسم الله الرحمن الرحيم

انا من المؤيدين لحكم الرئيس مبارك

وياريت يا جماعه نعرف قيمت الرئيس محمد حسنى مبارك

ونفكر كويس فى مصلحتنا احنا كشعب مصرى بيحب بلده

وشكرا

اقتباس :: وبعدين هو عيشك وعيشنى وعيش شعب مصر فى امان 30 سنة !

أنا لم أعش بأمان فى يوم من الأيام ولم أشعر به!!!!!

**********

رد نقلتة إلي كل من لايقتنع بأن مبارك من خربها!

اقتباس :: إخوانى الكرام يقول رسولنا الكريم صلوات ربى وسلم عليه
" إن الله ليملي للظالم حتى إذا أخذه لم يفلته "
ويقول الله عز وجل
" وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ "
ألسنا متفقين جميعا على مانحن فيه من ظلم واستبداد على مدار ثلاثين عاما
ألسنا متفقين على ظلم وطغيان وتجبح النظام المصرى بأجمعه ،،
الا تعلموا ان الدين المصرى عند تولى مبارك الحكم كان مايقارب 18 مليار جنيه
واليوم وصل اجمالى الدين المصرى الى 888 مليار جنيه
اذا اردنا ان نتحدث عن مفاسد النظام المصرى سنحتاج الى مجلدات لتدوينها

إخوانى الا تتذكرون عدد ضحايا عبارة السلام او قطار الصعيد او قصر الثقافة
او عد ضحايا الحوادث المرورية التى تحدث كل يوم ؟؟

مانراه من جرحى الان وعلى مدار اكثر من اسبوع صفر على الشمال بجوار
عدد ضحايا حادث واحد مما حدث فى عهد مبارك دون محاسبة المتسببين والمقصرين .

إخوتى الفاضلين السيد الرئيس خرج علينا بخطابه العاطفى الذى استدرج عواطف الشعب
بأكلمه ولكنه كان خطابا مبهما للغاية ،، أثار العديد من التساؤلات ولم يتحدث
صراحة عن بعض الامور الهامه .

اذا عادت زمام الامور ثانية الى مبارك سينتقم اشد انتقاما من هؤلاء الشباب
وسيلقن الشعب المصرى درسا لن ينساه ابدا ،، ولن يتكرر مثل هذا الحدث ثانية

احلف بسماها وبتربها .... مبارك هو اللى خربها

معارض بالتأكيد الله معكى يامصر

مقدرش الا اقول حسبى الله ونعم الوكيل فى الظلمة

نا من المؤيدين لحكم الرئيس مبارك

لماذالم ترودى على يا فاطمة

نور الايمان كتب:: انا من المؤيدين لحكم الرئيس مبارك

الخلاف فى الراى لا يفسد للود قضية

اسعدنى مرورك

الاميرة اية كتب:: لماذالم ترودى على يا فاطمة

اولا انا بشكرك يا فاطمة على الموضوع ده

انا لااحب السياسة ذى منتى اولتى الرئيس والنظام فاسد بس

عجبك الى بيحصل فى بلدى و بلدك مصرنا الحبيبة يعنى احنا صبرنا 30 سنة

ومنصبرش كام شهر بدل المظهرات ونختار الرئيس الى احنا عيزينوا سعتها

بدل الى بيحصل فى مصر

بحترم وجة نظرك بس لو احنا استنينا كام شهر ايه الى يضمن ان مبارك ينفذ وعوده

معارض معارض معارض معارض معارض

اسعدنى مرورك العطر

ده نظام فاسد اكيد واللي عملوه المصريين في المظاهرا ت ده ثورة وثورة مصرية عظيمة واتمنى عيد الشرطة اللي اتخلت عن المصريين وقت ما طلعوا البلطجية يتلغى ويبقى مكانه يوم ثورة 25 يناير وتبقى ذكرى ولادي وولاد ولادي يدرسوها في المدارس ويتربوا على الحرية والديمقراطية مع مراعاة الدينا اكيد