ازاى تغلس على صحابك

لو خارج مع صحبك مشوار أو بتروحوا حتة معينة كلية أو مدرسة أو أى حاجة
أتصل بيه قوله إوعى تنزل غير لما أفوت عليك وطبعا هو مش هيشوف وشك
يرن عليك نفض يتصل بيك نفض سيبه لحد مايطق وينزل لوحده

طبعا أنت عارف الأوقات اللى بينام فيها ولو من النوع اللى بينام بعد الكلية كلمه على تليفون البيت
وقول للى يرد عليك يصحوه ضرورى وهما احتمال كبير مش هيكونوا سايبلنه عدة تليفون فى أوضته
عشان طبعا ميقعدش يحب بيه طول الليل فا هيضطر يمشى لحد الصالة أقعد أرغى معاه ورذل عليه

واحد هيقولى طب أرذل عليه ازاى طب خلاص متزعلش أعلمك يعنى مثلا تقوله خبر يزعله جدا
حاجة حلوة تصدمة كده وتخليه بدل ماكان عايز ينام عينيه هتطلع من مكانها وفى الاخر قوله بهزر
المهم أفضل أستفزه لحد ماتطير النوم من عينه

لو صحبك بيتكلم فى التليفون حاطط السماعة على ودن وأستلم أنت بقى الودن التانية الفاضية
خليه يحس إنه واقف فى مولد مش عارف الكلام جى منين بالظبط

دبس صحبك فى كل حاجة مثلا فى مواصلات أو فى كافيه أو فى سينما

أدخل سنترال إتكلم وقوله معاك فكة أصل معييش غير مجمد قال يعنى معاك ورقة بمليون جنيه
أو قوله نسيت المحفظة فى البيت أو الفلوس ضاعت ولا إتسرقت أو متخانق مع باباك ومدكش فلوس
خليه مش فاضل غير بعد كده ياخد مصروف ليه وليك

لو صحبك رايح أى مشوار هيقابل حبيبته مثلا وقالك لو حد من بيتنا أتصل بيك قوله إحنا بنذاكر
وأول ما حد يتصل قولهم لا والله هو تحت مش عندى وقوله يعنى أنت عايزنى أكدب
قال يعنى الإيمان مقطع بعضه وصادق فى كله جت على دى

لو لسه مخلصين إمتحانات الشهر فى المدرسة أو إمتحانات الميد تيرم فى الكلية ودرجات صحبك وحشة
قوله أنا لازم أجى أذاكر معاك النهارده وطبعا هتشوف باباه ولا مامته وهيسألوك عن المذاكرة وكده
قولها والله إحنا بنذاكر بس مش عارف هو جاب درجات وحشة وسيحله بقى خليهم يستلموه
ويكبسوا على نفسه طول السنة

ياسلام لو اتأخرتوا 5 دقايق كده عن المحاضرة والدكتور قال مش مدخل حد بعدى وطردكوا
يبقى لازم تروح بيته وتشتكى لباباه ومامته وتعمل برئ ومظلوم دانتوا يادوب اتأخرتوا خمس قايق بس
هتخليهم يخلوه يروح يفتح الكلية بنفسه من الساعة ستة الصبح عشان ميتأخرش عن المحاضرة

خارج أنت من البيت بقى وبتستأذن باباه أو مامته بيقولوك ماتخليك ياحبيبى تتغدى معانا قولهم شكرا
صحيح يابنى أنت عملت شيت مادة كذا وطبعا أنت متأكد إنه لا عمله ولا جه ناحيته
الباشا بقى فى نص هدومه وهيرد باباه ولا مامته لا طبعا ويعمل ليه هو فاضى للحاجات دى
والأهل مش بيتفاهموا فى حكاية الدراسة دى بالذات يعنى أقلبها نكد على صحبك قبل ماتمشى

خد موبايل صحبك من غير مايحس وخبيه وخليه يفتكر إن الموبايل ضاع ولا إتسرق لحد مايجيب آخره
لو هو مفتح شوية وواخد باله يبقى على نفسه برضه قوله ورينى الموبايل بتاعك كده وفى وسط القعدة
استأذن مثلا هتجيب حاجة ولا هتعمل حاجة وخده وروح وخليه يدوخ عليك فى المكان ويتصل بيك مليون مرة
لحد مايجى ياخده منك من البيت وياسلام لو مفاتيح عربيته يبقى يجى بتاكسى ويرجع بتاكسى بعدين يبقى يروح بعربيته
امال هو يعنى يركب عربية وسواقين التاكسى ياكلوا عيش منين

لو شوفته واقف مع واحدة طب عليه زى القضى المستعجل وخده بالحضن ودخل نفسك فى الكلام وخلاص

ولو فاكر موقف محرج كده عن صاحبك ده مفيش مانع تقوله قدامها يعنى مثلا لو صحبك ده حاول
قبل كده يتكلم مع بنت وأحرجته قوله يا أخى كل ما أشوفك واقف مع بنت زى دلوقتى كده
أفتكر البنت اللى قالتلك لم نفسك ياروح أمك طبعا هو هيبقى واقف بيقول يا أرض إتشقى وأبلعينى
وما شاء الله عليك كده هتبقى بتحطه فى موقف أرذل من التانى

وهيبقى ربنا يصبره وممكن يدخل الجنة بسبب عمايلك دى

ههههههههههههههههههه يا رب الموضوع يعجبكم
فى انتظار الردود

هههههههههههههههههههه طب ليه كدة انا اة احب ارخم واغلس على صحابى بس مش كدة هههههههههههههه حرام ههههههههههه مشكووووورة على طرح الموضوع حبيبتى

موذيه والله موذيه
طيب هو هيدخل الجنه زى ما بتقولى طيب احنا لو عملنا كده هنروح فين
هههههههههههههه مش بقولك موذيه
يلا بقى زى بعضه مطره اقولك ان الموضوع حلو طبعا مش انتى اللى طرحاه لازم
يكون حلو زيك يا قمر تحياتى ازاى تغلس على صحابك 336267

ههههههههههههههههههههههه
انتى بصراحة آخر اجرام فى الموضوع دا ههههههه
انا لو هاغلس بكل دا مش بعيد تحصل حاجة وحشة ليا ههههههه

بس موضوع رائع كـالعادة
تسلم اناملك

tota.yoyo كتب:: هههههههههههههههههههه طب ليه كدة انا اة احب ارخم واغلس على صحابى بس مش كدة هههههههههههههه حرام ههههههههههه مشكووووورة على طرح الموضوع حبيبتى

ههههههههههههه ههههههههههههه
شكرا ليكى يا عسل على المرور

عابرة سبيل كتب:: موذيه والله موذيه
طيب هو هيدخل الجنه زى ما بتقولى طيب احنا لو عملنا كده هنروح فين
هههههههههههههه مش بقولك موذيه
يلا بقى زى بعضه مطره اقولك ان الموضوع حلو طبعا مش انتى اللى طرحاه لازم
يكون حلو زيك يا قمر تحياتى

هههههههههههههه يلا عشان تبقى تغلسى على صحابك فالمدرسة
شكرا يا جميل على زرقك
ونورتى التوبيك يا جميل

أحمد سعد كتب:: ههههههههههههههههههههههه
انتى بصراحة آخر اجرام فى الموضوع دا ههههههه
انا لو هاغلس بكل دا مش بعيد تحصل حاجة وحشة ليا ههههههه

بس موضوع رائع كـالعادة
تسلم اناملك

هههههههههههه اكيد بعد كل ده لازم يحصلك حاجة
اومال ربنا حيسيبك كدا يا احمد ههههه

نورت التوبيك
شكرا لمرورك

حسبى الله ونعم الوكيل
بصى مش انتى صحبتى انا بقا هعمل فيكى كدا
مش اكيد انتى عيزانا نجربها
طيب . طلباتك اوامر
انتى اقرب صديقه ليا انا بقا هعمل كدا فيكى سواء قولتى نجربها ولا لأ
ههههههههههههههههههههههه
معاكى حق يا ايه ايثار فى الاذيه مؤذيه مؤذيه يعنى
ههههههههههههههههه
شكرا ع الموضوع يا اثوووووووووره
يا مؤذييييييييييييييييييييييييه

هههههههههههههههههه
انا مش مؤذية اللى حيعمل الكلام ده هو
اللى يبقى مؤذية بصحيح

نورتى يا اميرة التوبيك

على فكره انتى الى قايللنا نعمله
ولا نسيتى بسرعه
ياعنى انتى الاذى نفسه
هههههههههههههههه

ههههههههههههههههههههههه
بس انا لو عملت مع اى حد كدا اكيد لو شافنى بعدها هيموتنى
وانا بغلس بس مش كدا
شوفى بقى لو قلت لمامته ان هو جايب درجه مش كويسه او رايح يقابل حبيبته والله العظيم هيرمينى من البلكونه
هههههههههه

هههههههههههههههههههههه
بدام فيها قتل ورمى من البلاكونات
يبقى صحبك ده مؤذى اوووووووى
ومش بيحبلك الخير ابداااا

اهم حاجة تكون استفدت من الموضوع

شكرا لمرورك ونورت التوبيك يا اسلام

لاء يا أثوره الحمد لله صحابى كلهم بيحبونى انا الى بهزر بس

Very Happy

طب الحمد لله
نورت التوبيك مرة تانية يا اسلام
شكرا ليك

موضوع اممممممممممممم
اكيد رائع طبعا بس شويه اجرام ههههههههههه

تسلمى يا قمر لا تحرمينا

شكرا ليكى يا جميل
نورتى الموضوع تسلمى

» ازاى تحرق دم بنت؟؟؟؟؟؟؟؟؟؟
» هنخدم مصر ازاى
» .....ازاى احقق حلمى ؟
» ازاى تتجوز بجنيه ؟؟
» ازاى تعرف المصرى؟؟؟؟؟؟