الفرق بين الولد والبنت ليلة الامتحان

فى ليلة الامتحان

البنت قاعدة تذاكر والولد قاعد يذاكر شوفوا ايه اللى
بيحصل

البنت/// عماله تراجع وتحفظ وتحل امتحانات مراجعه للمرة
العاشرة

الولد//
يكتشف المنهج لاول مرة

البنت
// تاخذ استراحة قصيرة وتستغلها لتأدية الصلاة
الولد // ينام ساعه ياكل ساعه ثم يستريح ساعه كل ربع
ساعه مذاكرة

التليفون يرن

البنت // الو خالتو ازيك عاملين ايه الحمد لله خدى ماما
معاكى ادعيلى يا خالتوا عندى امتحان بكرة

الولد// الو ازيك يا خالتوا عاملين ايه ؟ وازاى خالد و
ادهم ؟ بقولك يا
خالتوا محمود عندك؟ طب اديهونى اسلم عليه الو ازيك يا محمود عامل
ايه ... انا عمال اذاكر والله روحى طلعت من المادة ال.... المهم بقولك
شفت الماتش؟ الحكم ال ....... اه طب بص نص ساعه كده وقابلنى فى القهوة عشان عايزك فى موضوع .

البنت تذاكر وتذاكر

الولد يعمل برشامه ثم يخرج ليقابل محمود

البنت تسهر تراجع لوقت متاخر ثم تصلى وتنام

الولد ياتى من الخارج فى وقت متاخر يجد ابوه فى وجهه
يتشاجر معه وينام

يوم الامتحان

تذهب البنت قبل ميعاد الامتحان بساعتين ( دون ان تضع فى
فمها شئ اصلا مالهاش نفس متوترة) وتظل تراجع وتراجع وتراجع

يصحي الولد متاخر (معذور اصل ما لحقش
ينام) ثم يجلس على مهله للافطار ( يعنى هيروح الامتحان على لحم بطنه ؟ (مش
معقول ) واخيرا يذهب للجامعة ولكن يقف قليلا قبل الدخول ليدخن سيجارة ( يعنى معقول يروح يمتحن
وراسه مش متظبطه) بالنهايه يدخل اللجنه متأخر في تشاجر مع المراقب الذى يعترض
على تاخره وفى
النهايه وحرصا على مستقبله يتدخل رئيس اللجنه رأفة به ويوافق على
حضوره الامتحان.

البنت // تقراء الادعيه ثم تسمى وتفتح الورقه وتبداء فى
الاجابه

الولد // ينظر بحذر حوله ثم يتحين الفرصة لاخراج
البرشامه

البنت // تنهى الاجابات ثم تراجع مرة اخيرة وتحمد الله
ثم تسلم الورقه وتخرج وهيا خايفة لأنها حسة انها دخلت كلو على بعضو

الولد // يطلع البرشامة و يحل اكتر من نص الاسئلة و بعد
كدا يسلم الورقة و
يخرج ما حرام ليه يتعب نفسه و يحل كل الاسئلة المهم انه ينجح وخلاص

يوم النتيجه
//

الفتاه تنجح 70%

الشاب ينجح 88% ويصرخ قائلا ( والله ظلم اصلا نظام
التعليم فاشل وامتحانات بايظه الله يخرب بيت المصححيين )

فى المنزل

منزل البنت //الاب للام// قولى لبنتك كفايه مياصة و تقوم
تتنيل تزاكر بدل ما هيا فاشلة ف كل حاجة كدا

منزل الولد //الاب للام // قولى لابنك
ينزل بكرة معايا ينقى هدية نجاحه
اتمنى الموضوع ينال اعجابكم
تحياتى لكم
@اميره@

الفرق بين الولد والبنت ليلة الامتحان 90399

ههههههههههههههههههههههه
لاء جامد بصراحة
جميل اوى اوى يا مرمر
تسلمى يا قمر

شكرااااا لمرورك يا جميييييل
نووووووورتى الموضوووووووع

الموضوع رائع جدا بس النهايه مؤلمه جدا
تسلمى يا ميرو تقبلى تحياتى الفرق بين الولد والبنت ليلة الامتحان 336267

شكرا لمرورك يا قمر

هههههههههههههههه
دا الى بيحصل بجد الواد ضاربها طناش وآخر السنه برشامه ويظبط الامتحان كلمه من هنا على كلمه من هنا ويجيب 90% والبنت عماله تزاكر وتسهر ويا عينى 75 % اخرها Very Happy

تسلمى على الطرح يا أميره

هههههههههههه

الغش مضيعنا والله

تسلمى يا ميرو على الطرح

ههههههههههههههههه
لا بجد موضوع حلو دا اللى بيحصل
بس بردو الولاد مخهم احسن من البنات

كرستيانو رونالدو كتب:: هههههههههههههههه
دا الى بيحصل بجد الواد ضاربها طناش وآخر السنه برشامه ويظبط الامتحان كلمه من هنا على كلمه من هنا ويجيب 90% والبنت عماله تزاكر وتسهر ويا عينى 75 % اخرها
تسلمى على الطرح يا أميره

شكرا لمرورك يا اسلام
بس على فكره فى بنات شاطره ماشى
وبتجيب مجاميع عاليه ومش بالغش

آية الله كتب:: هههههههههههه

الغش مضيعنا والله

تسلمى يا ميرو على الطرح

معاكى حق والله يا ايه الغش مضيعنا
يعنى الواحد يقعد ويسهر يزاكر ويروح الامتحان والى حوليه يعملوا دوشه ودا يسأل سؤال ودا يسأل سؤال وانتى تطلعى بولا حاجه
يلا الى ذاكر وتعب ربنا عمره ما هيضيع مجهوده ابدا
شكرا لمرورك يا جمييييييييل
نورتى يا قمر

islamahmed كتب:: ههههههههههههههههه
لا بجد موضوع حلو دا اللى بيحصل
بس بردو الولاد مخهم احسن من البنات

لو انت شايف ان الولاد مخهم احسن من البنات انت حر
بس مافيش اذكى من حواء
ماشى
تسلم لمرورك يا اسلام

مش انا اللى بقول كده ابحاث بتقول كده
بس طبعا فى بنات داهيه يعنى

islamahmed كتب:: مش انا اللى بقول كده ابحاث بتقول كده
بس طبعا فى بنات داهيه يعنى

بنات داهيه ؟

تسلم لمرورك

على فكره بردو كلمه داهيه مش شتمه اسالى واعرفى يعنى ايه داهيه
كلمه داهيه يعنى انسان نابغ اوى فى مجال معين
ومتمكن منه

ممكن تقول شاطره مش لاداهيه

كلمه داهيه معناها ابلغ من شاطره وبعدين انتى عندك جوجل ابحثى فى معنى الكلمتين

بس مش مشكله هوفر عليكى البحث هل تعلمى ان لما تقولى مثلا داهيه عصره تعنى المكر والدهاء

والمفاجاه بقى ان معنى كلمه شاطر يعنى الخبيث الفاجر

ادخلى الموقع دا وشوفى بنفسك
http://www.almaany.com/home.php?language=arabic&word=%D8%B4%D8%A7%D8%B7%D8%B1&search=&lang_name=%D8%B9%D8%B1%D8%A8%D9%8A&category=%D8%A7%D9%84%D9%83%D9%84&type_word=0&cat_group=1

شكرا للمعلومه
وتسلم لمرورك مره تانيه

» الفرق بين اكل الولد والبنت
» الفرق بين الولد والبنت لما بيجو ينامو
» الفرق بين البنت الناعمه والبنت الدفشه!
» الفرق بين الولد و البنت فى الميكروباص
» الفرق بين تتليفون الولد الفرفور والولد البلدى