ياااااااااااااناااااااااااااااااااااااااااااس فوقووووووالحقييقة اللى غايبه عننا بجد

زائر

ياااااااااااااناااااااااااااااااااااااااااااس
فوقووووووالحقييقة اللى غايبه عننا بجد

ياريت نفوق بقى شوية
جيش مصرى كده يضرب المصريين
دى إذا حصلت هتلاقى تانى يوم الأمم المتحدة وأمريكا أرسلت
جيوش دولية لحفظ السلام ويبقى أحتلال وعراق جديد لأن نصوص القوانين الدوليه
كده
فوقو حرام عليكم البهائيين قامت شوكتهم وعايزين البرادعى الحقير يحكم مصر وده اللى هيحصل
فعلاً ولا مش عارفين أنه كل كام يوم يجتمع مع السفيرة الأمريكية
فوقوا حرام عليكم لسه ماسكين أمبارح جاسوس
أسرائيلى فى السويس و3 أمريكان معاهم صورللمنشآت العسكرية فى القاهرة
فوقوا بقى حرام عليكم وثائق ويكليكس تؤكد انه فى مؤامرة لقلب نظام الحكم فى مصر من أمريكا وأسرائيل
بمساعدة قطر وقناة الجزيرة الله ينتقم منها
أشمعنى صدقنا الوثائق دى لما اتكلمت عن مخطط أسقاط حماس فى
غزة وعن ان معتقلى جوانتانامو نصهم برىء وعن ان أحتلال العراق كان هيتم
هيتم حتى أذا صدام ردخ.....هه أشمعنى صدقناهم فى كل
ده ومش عايزين نصدق الجزء ده بالذات

عارف هتقولوا أيه قبل ماتقولوه"هتقولوا حسنى مبارك عميل الأمريكان وحبيب أسرائيل"مش كده هما غضبوا عليه ياجماعة ولاقوه عميل غيره علمانى
والبهائيين بيحبوه وضيع العراق
عارفين غضبوا على حسنى مبارك ليه عشان4 حاجات وياريت
تعقلوها يااااااااااااريت
1- رفض يبعت الجيش
المصرى يحارب مع الأمريكان فى العراق وأفغانستان ولا نسيتوا و....ونسيتوا
تهديد الشيطان المسمى بوش الأبن بقطع المعونة عن مصر وقتها
2- وقف جنب ياسر عرفات أيام حصاره
وقبل تسميمه ووقتها رئيس وزراء أسرائيل شارون على ما أعتقد هدد بضرب السد
العالى وأغراق مصر....فاكرين رد عليه وقاله ايه ولا نسيتوا
3- بعت جيش مصر الى الخليج أيام
أجتياح العراق للكويت عشان يكون فى تواجد عربى فى المنطقة وماحدش فهم
الكلام ده وأتهاجم وأدينا شايفين القواعد الأمريكية اللى مترصصة
هناك.....ولا برده نسيتوا

4-
رفض
تماماً بناء قاعدة عسكرية أمريكية على مصر عشان تدافع عن أسرائيل أذا أيران
فكرت تهاجمها

وخلى بالكم أن
قطر بتاعت قناة الحقيرة عندها أكبر قاعدة عسكرية أمريكية فى منطقة الخليج

أحنا شباب حركة
25يناير تم أستغلالنا والقفز فوق أكتافنا لتحقيق الخطط
الأمريكيه
وأذا مش مصدقين أدخلوا حالاً على الفايس بوك وشوفوا شباب
حركة 25 يناير بيقولو ا أيه وبيندموا ازاى
وبعدين حركة 25 يناير أنسحبت من ميدان التحرير وحركات
المعارضة كلها باستثناء الأخوان المسلمين سحبت شبابها من هناك حتى حزب
الوفد ومصطفى بكرى وافقوا على الحوار
تقدروا تقولولى اللى فى التحرير دول
بيمثلوا مين وماتقولوليش الشعب عشان الناس بتتكلم كل يوم بالألاف وبتناشدهم
يسيبوا الميدان
أذا كان الفنانين/ المحاميين/ لواءات الجيش المتقاعدين/
الشيوخ/ الدعاة/الشعب/ الصحفيين القوميين والمعارضة/ الخبراء
الأستراتيجيين/ القوات المسلحة/ الأمن/ كل دول بيتوسلوا اليهم يسيبوا
الميدان وهما اللى مش راضيين
لمصلحة مين أقتصاد البلد يدمر بالشكل
ده......هه
لمصلحة مين أحوال الناس اللى
متعطلة......هه
لمصلحة مين يحتلوا أسطح عمارات
التحرير بشهادة الناس اللى مرعوبة وساكنه فى العمارات دى
وأياكم حد يقول مطالبنا
حسنى مبارك نفذ المطالب كلها وعمل اللى مافيش رئيس أو أمير
عربى عمله أو هيعمله
أرحمونا بقى وخلوهم يمشوا من التحرير ......حرام عليكم
بيستغلوهم فى وسائل الأعلام الأجنبية عشان يجبروا مبارك
يتنحى دلوقتى...... والله العظيم بكره يمسكوها للبرادعى ويلغلى المادة
التانية من الدستور ويبنى فى مصر قواعد عسكرية أمريكية وعلاقته بأسرائيل
هتبقى أقوى ده غير البهائيين اللى هيديهم الحرية ينشروا كتبهم وأفكرهم
وينتخبوا أعضاء ليهم فى مجلس الشعب ....بكره هنندم
فكرو معايا ليه أمريكا وأسرائيل مابدافعش
عن مبارك دلوقتى ليه
ليه عايزينه يتنحى فوراً.....بالعقل
كده دى ناس مايهمهاش غير مصلحتها وبس معنى الكلام ده أن مصلحتها أتنقلت مع
حد تانى
هختم كلامى بأحاديث الرسول اللى أتكلمت
عن الفتنة يمكن تفهموا وتعقلوا:
1
أقام صَلَّى رَسُولُ اللهِ صلى الله عليه وسلم، يَوْماً،
صلاةً، فَأَطَالَ فِيهَأ. فَلَمَّا انْصَرَفَ قُلْنَأ يَا
رسُولَ اللهِ! أَطَلْتَ، الْيَوْمَ، الصلاةَ.
قَالَ (إِنِّي صَلَّيْتُ صلاةَ رَغْبَةٍ وَرَهْبَةٍ.
سَأَلْتُ اللهَ عَزَّ وَجَلَّ، لأُمَّتِيِ ثَلاَثاً. فَأَعْطَانِي
اثْنَتَيْنِ، وَرَدَّ عَلَيَّ
وَاحِدَةٍ. سَأَلْتُهُ أَنْ لاَ يُسَلِّطَ عَلَيْهِمْ
عَدُوّاً مِنْ عَيْيرِهِمْ، فَأَعْطَانِيَها. وَسَأَلْتُهُ أَنْ لاَ
يُهْلِكُهُمْ غَرَقاً.
فَأَعْطَانِيَها وَسَأَلْتُهُ أَنْ لاَ يَجَعَلَ بَأْسَهُمْ
بَيْنَهُمْ، فَرَدَّهَا عَلَيَّ
2-
قال رسول اللّه صلى اللّه عليه وسلم: "أمتي هذه أمةٌ
مرحومةٌ ليس عليها عذابٌ في الآخرة، عذابها في الدُّنيا الفتن والزلالزل
والقتل
3-

عن عبد الله بن مسعود

قال سمعت رسول الله صلى الله علية وسلم يقول : " تكون فتنة
النائم فيها خير من المضطجع ،

والمضطجع فيها خير من القاعد والقاعد فيها خير من القائم ،
والقائم فيها خير من الماشي ، و الماشي خير

من الراكب ، والراكب خير من المجري ، قتلاها في النار ، قال
: قلت : يا رسول الله ، ومتى ذلك ؟

قال : ذلك أيام الهرج . قلت : ومتى أيام الهرج ؟ قال : حين
لا يأمن الرجل جليسه . قلت فما

تأمرني إن أدركت ذلك ؟ قال : كف نفسك ويدك ، وادخل دارك ،
قال : قلت يا رسول الله أرأيت إن

دخل رجل داري ؟ قال : فادخل بيتك . قال قلت : أفرأيت إن دخل
علي بيتي ؟ قال : فأدخل

مسجدك ، وأصنع هكذا : وقبض بيمينه على الكوع ، وقل ( ربي
الله حتى تموت على ذلك ) رواه

أحمد في المسند وأبو داود في السنن
4-حديث عون بن مالك "سيأتيكم أمراء يأتونكم بما لا تعرفون
ويغيرون عليكم ما تعرفون أو كما قال ـ عليه

الصلاة والسلام ـ قالوا فما تأمرنا، قال أدّوا ما لهم وسلوا
الله الذي لكم...، قالوا أفلا نناجزهم بالسيوف،

قال: لا ما أقاموا فيكم الصلاة، ما أقاموا فيكم الصلاة
(كررها مرتين)
5-
قال رسول الله ( لا تسبوا أمراءكم ولا تغشوهم ولا تبغضوهم
واتقوا الله واصبروا فإن الأمر قريب
6-
وعن ابن عباس رضي الله عنه عن رسول الله صلى الله عليه وسلم
قال ( من كره من أميره شيئاً

فليصبر عليه فإنه ليس أحد من الناس خرج من السلطان شبراً
فمات عليه إلا مات ميتة جاهلية ).

صحيح مسلم
7-
قال _صلى الله عليه وسلم_: "أفضل الجهاد كلمة حق عند سلطان جائر" أخرجه أبو
داوود و
الترمذي و النسائي و صححه الألباني
كلمة حق مش أعتصامات تدمر بلدك ومظاهرات مستفيد منها اعداء
الأسلام

بص انا مقرأتش كلامك بصراحه يعنى
بس انا برضوا ضد مبارك ضد الفساد ضد الخراب

زائر

أليكس كتب:: بص انا مقرأتش كلامك بصراحه يعنى
بس انا برضوا ضد مبارك ضد الفساد ضد الخراب

ماشى انتى ضدد مقولتش حاجة
بس ياريت تقرأى الموضوع وتفهميه كويس وانتى تعرفى ان كل كلمة حقيقية وصادقة وبالادلة القاطعة

أسعدنى مرورك

كام حلو ياعي توبيك رائع

زائر

no name كتب:: كام حلو ياعي توبيك رائع

مرورك الاروع يا محمد
ولعل وعسى تكون فهمت كل كلمة وتكون صدقتها !!

كلام مظبوط يا علي

وموضوع جميل جدااااااااا

مرسى يا على الموضوع دا جميل اوى
الكلام دا كله مظبوط 100\100
انا فهمت كل الكلام
مرسى مرة تانية يا على

مع احترامى اللى قابلى مقرئوش الموضوع

بص انت فاهم القضيه غلط يا على
اولا امان وامان اللى بتقول عليه
فين الامان ده
انت متعرفش ان فى ناس عاشت كام سنه محرومه من ابهاتعم معتقلين
والله اعرف ناس من يوم ما تولدت ابهاتهم مش معاهم داخلين من غير سبب
فين الامان بقى
انت علشان بتاكل وتشرب وتنام بسلام فاكر كده مش حاسس بالناس
والله كنت بتفرج على برامج كتير الناس عايشه فى الذل ولو تعرف برنامج صبايا والله بعيط
لما اتفرج عليه
الناس عايشه فى خرابه لا ميه ولا نور ولا صرف صحفى
يعنى عايشين فى خرابه
واللى تعبان وحالته متاخره بيرموه فى المستشفيات لا وايه هما اللى عايزين كده بيسرقوا اعضائهم
طيب سؤال حسنى مبارك متعالجش فى مصر ليه ؟
وبجد لما قرات ليك كذا موضوع مصدقتش لان كلامك عن البلد مكنش كده الكلام اتغيرتمام
العيشه صعبه
وعيش ايه اللى لقينه هههه فين ده
العيش اللى كان مسرطن
الشباب اللى مش لقين شغل وبيسافرو بره
ومتغربين
السكرتير السابق بتاع حسنى اتكلم فى التليفزيون وقال كلام ده هيعتقبل
بتهيالى اصدقه لان ده كان معاه
ولو هتقول كلامه غلط لا هيعرض نفسه للخطرليه
الحج حسنى اللى قال ان كان الشعب عنيد انا واخد دكتوراه فى العناد
والنبى ده كلام
هو لو كان عند جنابه دم كان مشى لكن للاسف معندوش
انا من يوم ما تولدت ما شوفت امان
عايشين فى الظلم وقهر
مصر مغتصبه محتله
نهبوها
تعرف جمال سافر على لندن ومعاه اكيال ذهب ودولارات لا حصر لها(ده مش كلامى ده من التليفزين)كلام موثوق منه
منين كل ده والناس مش عارفه تعيش
بتقول لو حسنى مشى امريكا هتحتل مصر طيب صحافيه امريكانيه بتقول بوش كلم مبارك وقاله على التغيرات ده ونفذها ما عدا حاجه واحده (ارحل) وهو نفسه قال كده
انتو بتقول امان ده علشان مبارك عميل الامريكان هيبقى فين الحروب
وطبعا لو جه واحد مع الحق يمكن يبقى فى حروب ليه بقى لان مش هيبقى معاهم ولا يدلهم بترول
ولا اى حاجه من كده هو حسنى معاهم يبقى هيحربوه ازاى
بجد عيب اما يكون فى فى مصر كده ومحدش يدافع عنها يا جماعه البلاد التانيه
منضمه معنا حتى امريكا نفسها
وبلاد كتير
امتى بقى كل واحد يدافع عن حقه احنا سكتنا كتير اوى كفاااااااااااايه كده
والله تعبت امتى الشعب بقى يفهم
ربنا على المفترى والظالم
ارحل وخلى عند اهلك دم
ارحل بقى

يسقط يسقط حسنى مبارك

يا هاجر طب ما هو مش داخل الانتخابات الجاية
ولو مشى دلوقتى كل الاحزاب هتتصارع على الحكم

واللى انتم يمكن مش عارفينه ان قرار تغيير الدستور لازم من رئيس منتخب
وقرار حل مجلس الشعب لازم من رئيس منتخب
يعنى لو مشى وجه النائب بتاعه بطريقة مؤقته لازم نعمل انتخابات للرئيس الجديد وبعد كدا يطلع القرارات دى وشوفى بقى الانتخابات دى هتاخد اد ايه والقرارات لما تطلع هتاخد اد ايه كل دا مش اقل من عشر شهور طب هو هيعمل كل دا ومش هينزل الانتخابات وكلها بس سبع شهور وتيجى الانتخابات الجديدة لو مستحملينه 30سنه مش هتستحملوه 7شهور ولو منفذش وعوده نبقى نتراسل تانى عالفيس بوك وتويتر والياهو وننزل مظاهرة تانية واصلا لو منفذش وعوده هيبقى شكله ووووووووووووووحش اوى قدام العالم كله

زائر

آية الله كتب:: كلام مظبوط يا علي

وموضوع جميل جدااااااااا

نوِوِوِوِوِوِوِوِوِرِتى التوبيك يا آية
وتسسلمى على المرور

زائر

شفاء الله كتب:: مرسى يا على الموضوع دا جميل اوى
الكلام دا كله مظبوط 100\100
انا فهمت كل الكلام
مرسى مرة تانية يا على

أسعدنى مرورك الجميل يا عائشة
تسسلمى يارب

زائر

حاملة القرأن كتب:: مع احترامى اللى قابلى مقرئوش الموضوع

بص انت فاهم القضيه غلط يا على

اولا امان وامان اللى بتقول عليه
فين الامان ده

الامان دا اللى انتى وانا واباءنا واجدادنا عاشو فيه قبل ما تحصل المظاهرات دى

انت متعرفش ان فى ناس عاشت كام سنه محرومه من ابهاتعم معتقلين

معتقلين ليه ؟؟؟؟؟؟؟؟
مش علشان عملوِا جريمة تستحق الاعتقال
ومتهايالى انا مشفتش اى حد بيعتقل من غير سبب

والله اعرف ناس من يوم ما تولدت ابهاتهم مش معاهم داخلين من غير سبب

لا يا هـاجر انا مش معاكى فى دى وبعدين لو الابآء دول معتقلين من غير سبب أكيد هايرجعوِا لأهلهم على طول
وربنا مش بيسيب المظلوم كدا دايما فى تعاسة لازم هاينصره وهايفرحه بس بإذنه هو سبحانه وتعالى ..

فين الامان بقى

الامان كان موجود قبل ما تحصل المظاهرات دى

انت علشان بتاكل وتشرب وتنام بسلام فاكر كده مش حاسس بالناس

لا والله يا هاجر هي مش حكاية نوم ولا اكل ولا شرب انا حاسس بالناس زيك بالظبط ويمكن اكتر منك
لانى انا شوفت وعشت مع الناس دى وقعدت معاهم وشوفت اللى مش لاقى يأكل ولا يشرب
بس طبعا جاءتهم امدادات من الصعيد وغير الصعيد والحمد لله عايشيين فى امان وسلام وكنا ماشيين تمام قبل ما تحصل النكسة دى .. وكانت الناس مبسوطة وفرحانة

والله كنت بتفرج على برامج كتير الناس عايشه فى الذل ولو تعرف برنامج صبايا والله بعيط
لما اتفرج عليه

بصراحة انا مش متابع برامج ولا بتفرج عليهم !!!

الناس عايشه فى خرابه لا ميه ولا نور ولا صرف صحفى
يعنى عايشين فى خرابه

يعتبر كانت مصر كدا زمان بس بعد ما جاء الريس حسنى مبارك والله وصل الكهرباء والصرف الصحى والميه والخ والخ... بس ممكن تكون مناطق معينة موصلتش ليها الحاجات دى ...
ومتنسيش ان الشعب المصرى أكتر من 80 مليون
يعنى طلاباتهم مش هاتحقق فى غمضة عين

واللى تعبان وحالته متاخره بيرموه فى المستشفيات لا وايه هما اللى عايزين كده بيسرقوا اعضائهم

الحكاية دى الله اعلم بيها

طيب سؤال حسنى مبارك متعالجش فى مصر ليه ؟

لأن مفيش اجهزة مناسبة زى اجهزة الدول الاخرى !!

وبجد لما قرات ليك كذا موضوع مصدقتش لان كلامك عن البلد مكنش كده الكلام اتغيرتمام

لا والله انا ماتغيرتش يا هاجر انا بحب بلدى جدا واكتر من نفسى والله
بس انا معجبنيش كلام الناس على الراجل اللى حمى مصر وخلاها تعيش فى امان
طيب خلاص هو هايمشى يبقى خلاص نسيبه الكام شهر دول مش نطرده على طول
وبعدين احنا اولاد البلد يعنى مش بنخون العيش والملح ولا بنخون العشرة
وعلى رأى المثل اللى بيقولوه ( العشرة ما تهون الا على اولاد الحرام ) والمثل دا اللى قاله شعب مصر يعنى مش شعب غريب ....

العيشه صعبه

أكييد صعبة واللى صعبها الشعب المصرى علشان سمح لدول غريبة تتدخل فى امور البلد

وعيش ايه اللى لقينه هههه فين ده

ايوة قبل ما تحصل المظاهرات دى والله العيش كان متوفر فى كل المخابز
لكن شوفى بقى بعد المظاهرات انزلى فى مناطق فى مصر وهاتلاقى رغيف العيش المدعم بــ 1.5
وهو دا حال مصر بعد المظاهرات....
لكن قبل المظاهرات كان العيش متوفر والله

العيش اللى كان مسرطن

لا تعليق !!!!!!!!!

الشباب اللى مش لقين شغل وبيسافرو بره
ومتغربين

انا معاكى فى قلة البطالة فى مصر
بس ان شاء الله مصر هاتتحول الى عدم قلة البطالة

السكرتير السابق بتاع حسنى اتكلم فى التليفزيون وقال كلام ده هيعتقبل
بتهيالى اصدقه لان ده كان معاه
ولو هتقول كلامه غلط لا هيعرض نفسه للخطرليه
الحج حسنى اللى قال ان كان الشعب عنيد انا واخد دكتوراه فى العناد
والنبى ده كلام

بصى يا هاجر انا متهايألى ماسمعتش الجملة دى
بس لو انتى شوفتى بعنيكى وسمعتى بأذنيكى يبقى ليكى الحق انك تقولى كدا
اما لو جبتى الكلام دا من ناس ومتقوليليش الناس دول موثوق منهم يبقى مش صادق
وليس له اى دليل من الصحة....
ومتهايالى يا هاجر ان لو حسنى مبارك قال الكلام دا والله كانت مصر كلها اتقلبت عليه رأساً على عقب

هو لو كان عند جنابه دم كان مشى لكن للاسف معندوش

ليه ؟؟؟؟؟؟؟ هو هايمشى ومش هايرشح نفسه يعنى استحمليه الكام شهر دول
يعنى استحملتوه 30 سنة وجايين دلوقتى تقولى خليه يمشى ...
صدقينى مش اصول اولاد البلد اللى يطردوِا شخص عاش معاهم وحسسهم بالامان ومجعلهمش يشتركوِا فى حروب لمدة اعوام ...... يبقى نطرده بالطريقة البشعة دى مش معقول والله !!!!!!!!!

انا من يوم ما تولدت ما شوفت امان

ليه ؟؟؟؟؟؟ هل فى يوم انتى وماشية فى الشارع جالك اى بلطجى وتهجم عليكى!!!!!!!!!!
لا طبعا

عايشين فى الظلم وقهر

فين الظلم والقهر دول كانوِا فين من زمان
كان فين كلامك دا من وانتى عندك 15 سنة كان فيييييييييييين ؟؟؟؟؟؟؟؟

مصر مغتصبه محتله

مين احتلها ؟؟؟؟؟؟ ولا مين اغتصبها ؟؟؟؟؟
هل مصر مثل باقى الشعوب المحتلة ؟؟؟ لاء طبعا
مصر بلد امان واهتفضل بلد امان
نهبوها

محدش نهب البلد غير احمد عز الله يحرقه وحبيب العدلى ربنا يجيبلنا خبره ان شاء الله وغيرهم

تعرف جمال سافر على لندن ومعاه اكيال ذهب ودولارات لا حصر لها(ده مش كلامى ده من التليفزين)كلام موثوق منه

الله اعلم بس تلاقيه من قناة الجزيرة الملعونة عميلة اسرائيل
بإذن الله خبرها هايجي قريب وحسبى الله ونعم الوكيل فيها

منين كل ده والناس مش عارفه تعيش
بتقول لو حسنى مشى امريكا هتحتل مصر طيب صحافيه امريكانيه بتقول بوش كلم مبارك وقاله على التغيرات ده ونفذها ما عدا حاجه واحده (ارحل) وهو نفسه قال كده

محلصش محصلش
متسمعيش قناة الجزيرة كتير لانها قناة كاذبة كااااااااااذبة

انتو بتقول امان ده علشان مبارك عميل الامريكان هيبقى فين الحروب

انتى مقرأتيش الموضوع كويس او يمكن ما فهمتهوش كويس
وانا قولت فوق الجملة دى وليها تعبيرات كتير ....

بس متهايالى لو مبارك جعل مصر تشترك فى حروب كنا هانتيتم ومكناش عشنا فى امان

وطبعا لو جه واحد مع الحق يمكن يبقى فى حروب ليه بقى لان مش هيبقى معاهم ولا يدلهم بترول
ولا اى حاجه من كده هو حسنى معاهم يبقى هيحربوه ازاى

حق ايه دا اللى بتقولى عليه يا هاجر هو علشان حسنى مبارك جعل فيه سياسة بين امريكا وسلام يبقى خاين
طيب والله لو امريكا بعتت لمصر صاروخ نووى هاتدمر مصر باللى فيها !!!!!
لما يكون عندنا نووى نبقى نفكر فى الكلام دا

بجد عيب اما يكون فى فى مصر كده ومحدش يدافع عنها يا جماعه البلاد التانيه
منضمه معنا حتى امريكا نفسها
وبلاد كتير

اولا البلاد التانية كلها بتقول نفسى نفسى
ومتقوليليش دول العرب دول اكبر خونة ومش هايقفوِا مع مصر

امتى بقى كل واحد يدافع عن حقه احنا سكتنا كتير اوى كفاااااااااااايه كده

لما كل واحد فى شعب مصر يبقى راجل بمعنى الكلمة ومايقلدش باقى الدول
ويبقى شعب التغيير مش شعب التقليد

والله تعبت امتى الشعب بقى يفهم

الشعب هايفهم لما يحس بالخسائر اللى هما سببوها فى المظاهرات

ربنا على المفترى والظالم

وابن الحرام

ارحل وخلى عند اهلك دم
ارحل بقى

هو هايرحل بس اصبروِا الكام شهر دول متبقوش خاينين العشرة
ولا انتوِ مش مصريين !!!!!!!!!!!!!

بس على فكرة لو عملتوِا ايه وموتوِا فى بعض علشان يمشى هايمشى
بس برضوِا التاريخ هايفضل يذكره انه من افضل من حكم مصر وحامظ على امنها وسلامتها ..

أسعدنى مرورك الجميل يا هاجر
نوِوِوِوِوِوِوِوِوِوِوِرِتى التوبيك

زائر

آية الله كتب:: يا هاجر طب ما هو مش داخل الانتخابات الجاية
ولو مشى دلوقتى كل الاحزاب
هتتصارع على الحكم

كلامك مظبوط 100 100 يا آية

واللى انتم يمكن مش عارفينه ان قرار تغيير الدستور لازم من رئيس منتخب
وقرار
حل مجلس الشعب لازم من رئيس منتخب

ايوة صح

يعنى لو مشى وجه النائب بتاعه بطريقة مؤقته لازم نعمل انتخابات للرئيس
الجديد وبعد كدا يطلع القرارات دى وشوفى بقى الانتخابات دى هتاخد اد ايه
والقرارات لما تطلع هتاخد اد ايه كل دا مش اقل من عشر شهور طب هو هيعمل كل
دا ومش هينزل الانتخابات وكلها بس سبع شهور وتيجى الانتخابات الجديدة لو
مستحملينه 30سنه مش هتستحملوه 7شهور ولو منفذش وعوده نبقى نتراسل تانى
عالفيس بوك وتويتر والياهو وننزل مظاهرة تانية واصلا لو منفذش وعوده هيبقى
شكله ووووووووووووووحش اوى قدام العالم كله

والله كلام جميل جدا معقول وبجد
تستحقى كل الشكر والتقدير
ربنا يحميكى ياااااااارب
وياريت باقى الناس تفهم وتحكم بعقل وماتتسرعش وحتى تراعى مشاعره
واحاسيسه لما يطلع كدا من بره بلده مطرود بالعافية ومجبرد على كدا
.......
ياريت يكون عندنا مشاعر شوية ولا خلاص هي انعدمت !!!!!!!!

يلا متفرقش
تسسسسسسلمى على مرورك اللى اسعدنى كثيراً يا آية
ومانحرمش من طلتك على مواضيعى

اسفة على اللفظ بس كل الكلام الى انت قلته ده كلام فارغ
انتو مش حاسين بالظلم حرام عليكوا ياناس
الفساد الى بيحصل ده من السبب فيه
الشباب اكلمو بعد لما فضلنا 30سنة محدش يقدر يكلم
وبدل ماتشكروهم وتساندوهم تقولوا مفيش امان
عيب عليكوا يامصريون مبارك يخدعكم بكلمتين وتصدقوه مع انه طول عمره بيتكلم ويوعد والاخر ميعملش اى حاجه من الى قاله
والى بيقول ان الى فى ميدان التحرير دول مبيمسلوش الشعب
يبقى الى فى ميدان مصطفى محمود هم الى بيمسلو الشعب

زائر

فاطمة الزهراء كتب:: اسفة على اللفظ بس كل الكلام الى انت قلته ده كلام فارغ

لا تعليق !!!!!!!!!!!!!

انتو مش حاسين بالظلم حرام عليكوا ياناس

احنا حاسيين طبعا
الفساد الى بيحصل ده من السبب فيه

اللى عمل الفساد دا شعب مصر لما طلع بمظاهرات غير سلمية وعمل مظاهرات مش لائقة خالص على اهل مصر

الشباب اكلمو بعد لما فضلنا 30سنة محدش يقدر يكلم

سيبك بقى من الكلام دا
الشعب قلد تونس وعلشان تونس عملت كدا فى رئيسها يبقى خلاص لازم الشعب المصرى يقلد
مش شعب بيحب التقليد !!!!!!!

وبعدين انتى مش بتقولى اتكلمنا بعد ما فضلنا 30 سنة محدش يقدر يتكلم !!!!!
صدقينى الجملة دى مش صحيحة جدا
طيب ليه انتى ماتكلمتيش السنوات الماضية ليه ها ليييييييييييييييييييييييييه ؟؟؟؟؟؟؟؟

وبدل ماتشكروهم وتساندوهم تقولوا مفيش امان

نسند مين بس
والله مفيش امان فى الوقت الحالى خااااااااالص
يعنى انتى عاجبك اللى بيبحصل دا فى ميدان التحرير
واقسم بالله لو مبارك ساب الرئاسة دلوقتى مصر هاتولع فى بعضها

عيب عليكوا يامصريون مبارك يخدعكم بكلمتين وتصدقوه

لاء طبعا هو عمره ما خدعنا بكلمتين والله ماحصلت خالص فى مدة رئاسته للبلد

مع انه طول عمره بيتكلم ويوعد والاخر ميعملش اى حاجه من الى قاله

لاء طبعا عمل كتير جدا جدا جدا وأكبر دليل يا فاطمة ان لولا مبارك مكانتش وصلتلك الكهرباء لغاية البيت
ولولا مبارك وسياسته مكنتيش عشتى فى امان السنوات الماضية وكنتى عشتى فى حروب كثيرة جدا من باقى الشعوب الغريبة ...

والى بيقول ان الى فى ميدان التحرير دول مبيمسلوش الشعب

ميدان تحرير مين بس
والله نصهم بياخدو رشوة من الخونة الاسرائليين
ومن الخائن العميل البرادعى

يبقى الى فى ميدان مصطفى محمود هم الى بيمسلو الشعب

اللى بيمثل الشعب هو اللى مش خاين العشرة
مش يعنى الراجل مسك رئاسة مصر فترة طويلة والشعب يطرده بالطريقة البشعة دى !!!!!

نوووووووووووووورتى التوبيك يا فاطمة

» مين الطفلة اللى شبهك او الطفل اللى شبهك
» الحاجه اللى تشل
» انا اللى استاهل البيبسى
» {الباب اللى يجيك منه ريح سد وستريح}
» زغرتى يا انشراح اللى راح راح ....