اثبتت التحريات ان البنت احسن من الولد بميت مره

والله حرام لو ده فعلا بيحصل

عادى هي هتتعود على الحكاية دى عادى
بس انا اصلا كده كده همشى قبل الميعاد

اللي ينزل ينزل خلاص معروووووووووووووووووووووووف جدا انا الناس كلها فى منها الحلو والوحش
يعنى الموضوع بقى ايزي خالص مش فارقة معايا انا شخصيا

اوووووووووووووووووووووووووووف بجد حرااااااااااااااااااااااااااااااااااااااااام انا زهقت من البنات والولاد خليكوا فى مذاكرتكوا
احسن وبعدين يا صدى لو فعلا الحكاية دى بتحصل فعلا الكلام ده اولا يبقى حرام جدا ان الشرطى يعدى البنت ويسيب الولد ،ان الدكتور فى الجامعة يسيب البنت تخرج ويسيب الولد ..............الخ
بس والله الموضوع حلو ويعنى ضحكنى شوية ومتزعليش من علي هو عادي وبيهزر ومفيش حاجة تزعل خلاص وهو ده رده علشان بس يثبت عكس الموضوع مش اكتر انا كنت زيك كده معاه فى الاول بس دلوقتى خلاص عادي لاني فهمت اصده ايه

فكييييييييييييها بقى عل[size=24][color:61b6=indigo]شان خاطرى[/size]

ليييييييييييييييييييييييييييييييييييييييه يعنى ؟؟؟؟؟
علشان الرد ههههههههههههههههههه ده اللي انا فهمته من رد علي ومن ردوده فى الموضوعات التانية

amrgamal كتب:

انتى طيبه قوى يا يويو والله بجد

ههههههههه عجبتنى اوى الجملة دى وبعدين يا ست يويو انا كان غرضى الترفيه للأعضاء مش اكتر

انا عارفة انه للترفيه بس انتى اخدتى كلام على جد

صدى الإيمان كتب:

[

اسمع يا استاذ على لو حضرتك عاوز تقدم نقد تقدمه بطريقة كويسة وبعدين انا منزلة الموضوع من باب الترفيه وانا مش شايفة فى الموضوع اى حاجة مش كويسة علشان تتكلم بالطريقة دى وانا كنت متوقعة ان فى حد هيشكرنى او يثنى عليا طلع غير كده خالص عموما نورت الموضوع واسعدنى مرورك العطر هذا[/quote]

بجد موضوع حلو بس حرام اللى بيتعمل فى الولاد

[quote="صدى الإيمان"][size=18][color=indigo]اثبتت التحريات ان البنت احسن من الولد بميت مره
ومن غير تحريات اكيد طبعا

ومقارنه البنت بالولد

زى اللى بيقارن معزه بجمل

المعزه الراجل والجمل البنت


وذلك للاسباب التاليه::------


تتكلم براحتها في التليفون وابوها او جوزها اللي هيدفع
الفاتوره ولو معاهوش فلوس ان شاء الله يسرق او يختلس
لازم اكيد


البنت مش ملزمه تجهز نفسها ابوها او خطيبها اللي هيدفعو دم قلبهم واتفرج على التحكم
الاوضه دى خشبها مش كويس الفورمه دى مش عجبانى انا عاوزه
سرير اطول من ده قال يعنى هتتجوز (تريبل اتش)
هههههههههههه

مفيش حد بيبص علي بدله العريس كله بيركز في فستان العروسه
عشان هي اجمل بس متزعلوش بتبقى زي عارضة للازياء كله العيون عليها واعتقد ان هي عاده سيئة بس انا العادة دي بحبها


لو واحده عملت مخالفه مرور تتمسكن شويه للظابط وهو يعديها لو راجل
من قبل ما يتكلم تلاقى الظابط اتفتح اركنلى على جنب ياروح امك يا بن الـــــــــــــــــــــــ
هههههههههههههههه بجد شاطرة منشوف الصبيان هيردوا ازاي

البنت مش ملزمه تدفع ضرايب ابوها او جوزها بيدفعوها وهيه ولا فى الدماغ
امال الرجاله بيجيلها شلل من شويه
وده من الزوق ههه


لو واحده مدتش لقرايبها عديه مفيش حد هيتكلم ولا يقول ياه دا راجل
تبت وبخيل ومعفن ومقرح وجربان وابخل من ديل الــــ
ههههههههههههههههه


لو واحده متاخره علي المحاضره ممكن تبص للدكتور وتقوله سورى يا دكتور يروح مدخلها لو ولد اتاخر وقال للدكتور
انا اسف بس والله المواصلات كانت صعبه والعربيه اللى كنت فيها عملت حادثه اتفرج بقى يقوله لاهو انت فاكر الكلام ده هيخيل عليه
تلاقيك كنت سهران مع الشله الفسدانه لنص الليل انت متحضرليش محاضرات تانيه اطلع بره فى مكان فى الكافيتريا للى زيك يا فاشل
تعاطف انساني ههههههههه

لو بنت فى وسط المحاضره عطشت وحبت تشترى كانز تقوله يادكتور من فضلك عايزه اخرج يقولها ليه تقوله عندى ظروف
تلاقى الباب اتفتح فى ثوانى وقالها اتفضلى من غير ما يسأل ايه الظروف دى
لو ولد جاله تليفون فى وسط المحاضره بيقوله تعالى بسرعه ابوك مات يجرى وهوه بيعيط يا دكتور انا لازم اخرج دلوقت
الدكتور يقوله ليه هيه جامعه ابوك ارجع مكانك اترزع يقوله يا دكتور بابا مات لازم اخرج الدكتور يقوله مش مهم تحضر الدفنه
كفايه تحضر العزاء ارجع مكانك ياااااااد
مش كل الدكاترة ههههههههه


لو حصل زعل بين بنت وباباها مش هيطردها بره البيت يادوب شخطتين او خبطه بحنيه ليه عشان البنت عضمها طرى ومتستحملش
لو ولد بقى بالبونيات والشلاليت ويديله صينيه يكومه على الارض زى الخيشه ويادوب يلحق مكان ينام فيه جنب البواب
صححححححححححححح


لو فى الامتحانات والبنت حاولت تفكر انها تقول ياغش الف مين عاوز يساعد وتلاقى الولد يرفعلها كراسه الاجابه وبعد
ماتخلص يقولها حاجه تانى يا آنسه ويبقى شعاره ايد لوحدها متسقفش ولازم نساعد بعض لو ولد بقى فكر انه يغش
تلاقى اللى جنبه بيزغرله كانه ياعينى قاتل ابوه ولو حاول يشب يبص على ورقه اللى جنبه تلاقى اللى جنبه اتكلفت على الورقه
زى التعبان عشان ميشوفش حاجه ويبقى شعاره الغش حرام ومن غشنا فليس منا وفى الاخر يقولك البنات بتنجح اكتر من الولاد
فضحت سر نجاحنا ينفع كده


لو راكب اتوبيس وبنت دخلت وملقيتش مكان اتفرج على اللى هيحصل يا سلام عصر صلاح الدين الايوبى يرجع وكل واحد يعمل فيها ابو عرام
والفارس النبيل والشهامه تبقى مش عارفه تروح فين واتفضلى يا آنسه والتانى يقوله واللهى ماهى قاعده الا هنا
هو ينفع انتى تقفى واحنا قاعدين امال فين الشهامه والمرؤه

لو راجل دخل لو حتى عيان وعجوز ومش قادر ياسلام عصر جنكيز خان يرجع والتكشيره تترسم على وشوشهم
وتلاقى كل الركاب يبصوا من الشباك اللى بيشم شويه هواء واللى بيتفرج على
المحلات عشان عنيهم متجيش فى عين الراجل اللى ياعينى رجله اتخدلت من الوقفه وقرب يعيط


لو بنت سقطت آخر السنه وعيطت شويه معلش يا حبيتبى خيرها فى غيرها والسنه الجايه شدى حيلك
لو ولد سقط ياخرابى يالهوى يا خساره تعبى فيك انت اصلا ملكش تعليم انت فاشل
انت من بكره تنزل تشتغل مع الاسطى بليه السمكري انت خساره فيك اللقمه ياابن الـــــــــــــــــــــ


لو بنت فشلت فى التعليم تقعد فى البيت وتعمل شغل البيت وتقعد تستنى العريس
لو ولد فشل فى التعليم ينزل يغسل اصحن فى الكازينوهات او يبيع مناديل فى
اشارات المرور اويسرح بترمس على الكورنيش


لو حرامى نط على البيت الاب والام يجروا يتطمنوا على البنات ومتتخضيش ياحبيبتى ده خلاص قشط
البيت ومشى البنت بقى تقول يا مامى معقوله حرامى فى بيتنا انا منهاره هاتولى نشادر اعصابى
لو حرامى نط على نفس البيت الاب بقى يشتغل على الصبيان امال البيت مكانش فيه رجاله ولا ايه ده مش
عامل اعتبار لحدرماهو لو عارف ان البيت فيه رجاله مكانش عملها لكن انا مخلف شويه خرفان


لو ولد خارج مع بنت واتعاكست او واحد حاول يرخم عليهم يقولها ملكيش دعوه انتى يا حبيبتى اقفى بعيد ولو لقيتى دم بيطرطش وقطع غيار
بنى آدمين بتتحدف ولا يهمك هيه تقف بعيد وهو يتشاهد فى سره ويروح يقوله فى حاجه يا كابتن
واتفرج بقى عليه وهو بيكنس الاسفلت بهدومه ووشه يتخرشم من كتر الضرب ويرجع مناخيره طايره ويقولها شفتينى وانا بدشدشه


فى الشتا لو ضيف جه تلاقى البنات تقعد تضايفه وتتكلم معاه وازيك يا اونكل وعامل ايه يا عمو ويسلموا على ولاده البنات
وهاتك يابوس ويا احضان والولد شغال زى النحله انزل هات بيبسى روح هاتلنا علبتين سجاير
ويا سلام لو هيبات فى البيت كمان تبقى كملت تلاقى البنات تقوله يا سلام يا اونكل بات معانا وانا هاخد سلمى تنام معايا دى حتى وحشانى
وتلاقى الاب جمع ولاده الصبيان ويقولهم من سكات ياولاد الـــــ لموا بعضكم كده وخدوا معاكم بطانيه واطلعوا ناموا على السطح عشان مفيش مكان اونكل ميزو ينام فيه


لو بنت رايحه تخلص ورق فى مصلحه حكوميه الموظف يقابلها بابتسامه ويقولها تحت امرك اؤمرينى ويضايفها كانها رايحه تديله جايزه
وفى الاخر يودعها بابتسامه خفيفه ويقول فعلا جنس لطيف
لو ولد رايح نفس المكان الموظف يقوله ها عايز ايه الولد يقوله اصل كنت رحت عشان اعمل بطاقه وقالولى...... الموظف يقوله
انت هتحكيلى قصه حياتك انا مش فاضى للرغى ده خلص وتلاقيه بيبصله بصه وهو بيكلمه كانه اتجوز مراته ياعينى و بعد ما الولد يمشى
تلاقى الموظف يقول توب علينا يارب من البلاوى دى


لو بنت خارجه مع خطيبها كل اللى بتعمله تحط الميكب اب وتتشيك وتقولها يا امامى انا خارجه اقابل لؤى تقولها اوكيه ياحبيتبى يالله باى
والولد وهو رايح يقابلها تلاقيه منامش ليلتها ومجهز مطواه قرن غزال فى جيبه عشان لو اتعاكست وحاطط قطر فى جيبه الشمال ومربط
مع اتنين صحابه انكم متطلعوش من البيت عشان لو اتخانقت وانا بره اتصل بيكم تجولى هوا
ويا سلام لو معاهوش فلوس لزوم الفسحه والتاكسى ممكن يبيع اى حاجه عنده ويروح يلف على كل اصحابه يستلف منهم ويتمسكن لده شويه ويعيط لده شويه
وفى الاخر محدش يديه حاجه يعمل ايه المسكين ياعينى يروح داخل المطبخ يسرق الانبوبه بتاعه البوتاجاز ويبيعها ولما يخرجوا تلاقى البنت بتضحك ومبسوطه
وفرحانه وقمه الرومانسيه ومش مصدقه نفسها والولد دايما شارد ومبلم ولونه مخطوف وتقوله مالك ياحبيبى مش معايا ليه يقولها لا والله معاكى ومتعرفش انه بيفكر فى
اللى هيحصله ياولداه لما يروح واهله يكتشفوا انه سرق الانبوبه


لو حصلت خناقه فى المنطقه البنت تقف فى الشباك تتفرج كانها بتتفرج على فيلم خناقه فى الحى الهادى وتبقى مبسوطه وفرحانه وتقولك الله خناقه تعالى نتفرج
الولاد بقى ياعينى اللى يسحب سكينه ويطلع واللى يسحب نبوت ويجرى واللى ياخد جنزير ويطير الاولانى ياعينى يرجع والسكينه مرشوقه فى بطنه والتانى يرجع
والنبوت مدشدش على دماغه والتالت يرجع والجنزير معلم على قفاه

لو الحرب قامت تلاقى البنت قاعده قدام التليفزيون فاتحه قناه الحظيره وبتتفرج على اللى بيحصل وهيه بتقزقز لب وتقلب على مولدى شويه وبتشرب نسكافيه وقدامها قفص برتقان خلصت نصه
الولد ياعينى تلاقيه شايل البندقيه وعمال يدور على الاسرائيلى هنا وهنا وفى الاخر يتنش رصاصه فى ودنه يصنج وواحده فى عينه يتعور وواحده فى رجله يتشل
والبنت تقولك ياااااى انا مقدرش اشوف المناظر دى اقلبوا المحطه دى وتلاقى الولد راجع من الحرب فاقد الذاكره ومن غير ودن وشايل رجله الشمال على كتفه


البنت لو راحت فرح تلاقى باباها بيقول البنت اتاخرت ليه مامتها تقوله سيبها تخرج انت عاوز منها ايه خليها تشوف مستقبلها يمكن تلاقلها عريس ولا حاجه
لو الولد اتاخر فى فرح باباه يقول الواد اتاخر ليه مامته تقول لباباه الواد ده انت تشوفلك حل معاه الواد ده خلاص عياره فلت ومبقاش بيعملك حساب
ولا بقيت بتملى عينه كل يوم افراح وسهر وعربده العالم ربنا بيعملوا ايه فى الافراح دى وتقعد تسخن فى ابوه زى الوابور والواد يجي من برده لا بيه ولا عليه
ابوه يستلمه من على الباب قفشتك يا ابن الـــ ايه ريحه السجاير دي
بقوله يا بابا دى ريحه سجارتك انت يقوله طيب سيبك من السجاير ايه ريحه الخمره دى الولد يقوله يابابا خمره ايه مش عارف تفرق بين
ريحه الخمره والفيروز وكمان هجيب خمره منين ده انت بتأتتني علي ما تديني جنيه


الوالد لو رايح مشوار مع اخته تلاقى الولد صاحى فى ميعاده وجاهز ولبس من بدرى وكوى لبسه وحط جيل على شعره ويقول لاخته يالله تقوله ثوانى على ما تتمكيج
واتفرج يامعلم ساعتين يكون اللبس المكوى اتكسر من القعده و شويه الجيل اللى على شعره نشوفو وشعره بقى
عامل زى العفش ويكون قرب ينام ويقوم وشه منفخ زى الـــ، وهيه تتطلع من اوضتها برنسيسه والروج والبيرفيوم الفرنسى واللبس المكوى
يخرج الولد مع اخته وهيه زى البرنسيسه وهو عامل زى شحاتين السيده وتلاقى الشباب اللى فى الشارع بقى
شغالين تريقه اللى يقول ايه اللى ممشيكى مع النطع ده واللى يقول يدى الحلق للى بلا ودان
واللى يقول معقول الحمار ده ماشى مع الغزاله دى روح يا غراب دورلك على حدايه شبهك


شفتوا ازاى البنت طلعت احسن من الولد بمليوووووووون مره بس مكناش واخدين بالنا



ههههههههههههههههههههههههههههه

ههههههههههههههههههههههههههههههه
تسلمى يا ايمان