هل هى موضة ولا هى تسالى ولاتضيع وقت ولاحجات كتير اووووووووووى ؟

السلام عليكم
ازيكم ياشباب وانتم يابنات
دلوقتى سؤال محيرنى هل التعليق بقى موضة ولا اية
واحد هيسال او واحدة اية دة الى اسمة التعليق
التعليق هو الى الواحد يضحك على البنت ويتسلى بيها ويقولها بحبك ويعيشها يومين رومانسية ويضحك عليها بردة ويقلها دة انا هخطبك بعد اما اخلص كلية ويسلام البنت هيبقى مزجها فى السحاب والاتنين هيعشوا احلى قصة حب مزيفة والمعلم بقى اما يتخنق منها يفك ويخلع وتستمر القصة لغاية ما تبقى كل البنات اتعلقت كمثل
بسيط اوى .
اتنين بنات من عيلة محترمة واب وام محترمين يجى الواحد يفجىء ان الحلوين واحدة معلقة مع واحد فى الجيش
والتانية مع واحد فى الكلية لسة والاتنين لسة ميعرفوش ياكلو نفسهم طيب اية السبب ويسلام بقى اما الاتنين يقفوا على السطح قصاد بعد ويتكلموا فى التلفون وحكايات بقى وافلام وكلة يومين وعيش
طيب اية السبب
1- هل هو حب اكتشاف للبنت للفكرة وتجربيتها
2- هل هو عيب اسرة وعيب تربية بس مع العلم فى الحالتين الى تم ذكرهم ان التربية تربية محترمة
3- هل هو فقر بس مع العلم الحالتين بردة مبسوطين
4- طيب هو تسلية للبنت والشاب بس مع العلم البنت على دراية بالفلم
5- هل هو نقص دينى وعقلى
6- هل هى بقت موضة وماشية وكله بيطلع فى الغسيل
دى شوية اسباب بسيطة
طيب اية موقف البنت دلوقتى اما واحد يروح يخطبها وخلاص يخطبها ويكتشف الى المحترمة كانت متعلقة
واية موقف امها وابوها واختها واخوها وصحبتها اما يعرفوا ويسلام بقى لو واحدة بتحبها اوى وبتعزها تبقى فرصة البنت تتشهر شوية يلا عادى ما شرف البنت دلوقتى معتش زى عود الكبريت وكلة بيطلع فى الغسيل
مع العلم ان الشاب ممكن ميكنش السبب ودة موش دفاع عنا بالعكس احنا سبب من الاسباب
فرجـــــــــــــــــــــــــــــــــــــــــــــــــــــــــاء ياشباب ويابنات افادتى فى هذا الموضوع الى محيرنى جداااا .

فيه بنات بتبقى عارفه ان هيه تسليه ووخدين بعد على كده مع ده شويه وديه شويه

وفيه بنات فعلا بتاثر بتحب بجد بس هوه بيتسلى والعكس
وفيه تلاقى اثنين اتجوزوا ويقولوانا وخدين بعض على حب
او يمكن متاثره بكلام التليفزيون فعايزه تجرب
او يمكن سن المراهقه فاى حد يكلمها فتحبه
السبب.
يمكن البنت اللى بتتسلى السبب ضياع الاسره
او عدم الوعى
المفروض الام تبقى جنب البنت من سن المراهقه
او السبب الرئسى الاعلام واللى بنشوفه الايام

ربنا يعافينا

السلام عليكم
مشكورة ( حاملة القرآن ) صحيح كل دة اسباب بس الحب اما يتعلق على فشل ديما بيفشل
ومشكورة ( شاهندا ) المشكلة انة لو قلتلة اتقدملى او اخطبنى الباشا هيفك ويدور على حد تانى طيب اية موقف البنت دلوقتى .