يعني ايه كلمة إنسان ؟!!

السلام عليكم ورحمة الله وبركاته ::

يعني إيه إنسان ؟!!

مرة وانا قاعده لقيت واحده بتتكلم عن الانسان عموما

بعدين سألت يعني ايه كلمة إنسان ؟؟

سرحت في السؤال على قد ما هو بسيط بس بجد محير جدا

بس الانسان حدوتة طويلة

انسان يعني واحد بقلب طيب وأبيض عايش حياة سعيده وفرحان

وقلب أسود ماشي يظلم ويدوس في اللي قدامه

انسان يعني تلاقي واحد سعيد مبسوط من عيشته

وتلاقي واحد تاني حزين مش عارف يعيش بيفكر يموت امتى !!

انسان يعني ممكن يكون ضعيف وفي نفس الوقت قوي !!

ممكن يضعف بسبب موقف حصله .. وممكن يقوى بكلمة شجعته من جديد

انسان يعني ألم وفي نفس الوقت أمل !!

ممكن يكون نفسه في حاجه بس ما قدرش واتألم كتير عشانها بس لسه حاطط في باله أمل

انسان يعني بسمة لما يفرح .. ودمعه لما يحزن

انسان يعني بخيل ومبذر ممكن يكون متسرع وممكن يكون صبور

يصبر على الامتحانات والبلاء وممكن يتسرع ويرتكب حاجه يندم عليها

الانسان احيانا بيكون متناقض من جواه !!

بيخسر ويكسب طيب وشرير مثقف وجاهل بيضعف ويقوى!!

ما فيه ناس ساعات بتظلم وتعدل في نفس الوقت !!

تدي فلوس وتاخد برده في نفس الوقت

انسان يعني ممكن تساعد حد وتهدم حد

واوحش حاجه في الانسان مش بحبها في أي حد

انه يكون متكبر وشايف نفسه ومغرور

لو حاولنا اننا نفكر في حال الانسان هنلاقيها حدووته طويلة اوي

عشان مش هتعرف توصف كلمة انسان بجد

وربنا قال في كتابه الكريم

( ولقد صرفنا في هذا القرآن للناس من كل مثل وكان الانسان اكثر شيء جدلا )

والله يا جماعه حال الانسان محير جدا سواء عاقل او جاهل

فقير أو غني .. كبير ولا صغير .. راجل أو ست ..

وفي ناس برده زي الورد في حياتنا بتفوح دايما بالعطور بس فيه شوية اشواك بتكرهنا فيها

بس اللي ممكن نتفق عليه

ان فيه ناس كويسة وناس وحشة !!

بس في النهاية

يا ترى كل واحد يقدر يصنف نفسه من دول ؟

ويعني ايه كلمة انسان من وجهة نظركو ؟!
تحياتي ..

موضوع فى غاية الجمال
فى انتظار الجديد يا ايه

ممتاز مع مرتية الشرف

تسلمى يايويو بجد امتعتينا

ميرسى ليكم اوى انا ايلى اسعدنى بجد مروكم وانتظروووووا جديدى

موضوع اكثر من رائع
تسلمى يا قمر

تسلمـــــــــى

موضوع جميل اوي
تسلمي يا يويو

انتى الاجمل والله حبيبتى انتظرى الجديد

» المراه تحب كلمة احبك والرجل يحب كلمة.......
» ألهذه الدرجه أنت إنسان طيب.......؟
» دا نص الموضوع _____ حمار يعني حمار
» خطيرة كلمة باااااااااااااااااى
» ****كلمة حق يراد بها باطل****