مهما كانت نوع بشرتك تعالى معانا

[size=21]السلام عليكم ورحمة الله وبركاتة

موضوعي النهاردة هيفيد ان شاء الله تقريبا كل أنواع البشرة

مشكلة الشتاء طبعا الجفاف و البقع المقشرة و اللون البهتان والمصفر صح والا لا؟

طيب تعالوا نتكلم ونشوف الاول هنعالج المشكلة ازاي...

1- هنشرب سوايل كتيرة قوي قدر الامكان ويفضل ان السوايل
ديه تكون ماء و عصاير طبيعية و لو مشروبات دافية ياريت لو شاي اخضر و
ينسون و الحاجات الطبيعية الجميلة المفيدة الرخيصة اللي عندنا كلنا في البيوت
و كمان ياريت نبعد عن الشاي والنسكافيه و الحاجات اللي بتقتل الانوثة ديه.[/size]
Very Happy

2- الاغذية المفيدة طبعا مش هتكلم فيها لانكم المفروض
كبار وحلوين وعارفين تاكلوا ايه وماتاكلوش ايه بس باختصار نبعد عن المبالغة
في اكل البيض و المقليات والمكسرات و اللحوم الغير كاملة الطهي وطبعا
التيك اواي والحاجات اللي زيه.

3- النوم عدد ساعات كفاية كل يوم و طبعا ما يزيدش النوم عن حده لان كده وشنا هيبهت زيادة.

4- النشاط و الحركة الكتير بتساعد قوي علي صحة
جسمنا اللي بالتالي هتنعكس علي صحة بشرتنا ومش شرط تخرجي من البيت عشان
تعمل نشاط ممكن نشاطك يبقي نضافة و ترتيب بيتك كل يوم.

5- ندخل عالمفيد
لازم يبقي فيه برنامج نمشي عليه لبشرتنا و نركز قوي عالترطيب في اليومين دول

يعني مثلا
البرنامج اليومي
نغسل بشرتنا مرتين بالغسول او الصابونة اللي بنرتاح فيها وبعد الغسيل تونر
مناسب عشان يكمل نضافة البشرة ويقفل المسام و يكمل العملية وبعدين الترطيب
بكريم مناسب للوش كله و بعدين مرطب لمنطقة العين ويفضل لو هتستعملي مرطب
العين مش تقعدي قدام كمبيوتر او تلفزيون فترة طويلة عشان عينيك ما ترهقش.

البرنامج الاسبوعي
مرتين في الاسبوع اسكراب مناسب اما طبيعي زي زيت الزيتون و السكر الناعم او اي اسكراب تجاري بترتاحي فيه.
تلات مرات في الاسبوع ماسكات منوعة كلها تركز عالترطيب يعني يدخل في معظمها
الزبادي و العسل او طمي مغربي علي سبيل المثال وبرضه بكرر وبقول حسب ما
بترتاحي اعملي واستعملي.
مرة اسبوعيا مساج لوشك ورقبتك باي زيت اساسي بترتاحي له وفي نفس الوقت مناسب لنوع بشرتك.
مثلا زيت شجرة الشاي للبشرة الحساسة والدهنية
زيت جنين القمح للبشرة الجافة والعادية
زيت الورد الاساسي بكرر وبقول الاساسي مش بتاع العطار مناسب لكل انواع البشرة.

6- مهم جدا ما تنسيش وانتي خارجة من بيتك حتي وانتي في الشتا تستعملي صن بلوك مناسب لنوع بشرتك.

7-
الكريم ده مناسب لكل انواع البشرة ان شاء الله ما تقلقوش واهم حاجة فيه انه مرطب طبي يعني ممنوش ضرر ان شاء الله.

كريم بيبانثين

لوشن فازلين للايدي الوردي و لوشن فازلين بزبدة الكاكاو
ولوشنات نيفيا احسن واحسن كمان.

انا خلصت الكلمتين بتوع النهاردة وعاوزة بس اختم بكلمة اخيرة.

اهتمامك وعنايتك بنفسك وانتي في شبابك بتاثر فيكي قوي لما بتكبري في السن
اهتمي بنفسك عشان خاطر نفسك وعشان تحافظي علي انوثتك.
ابدأي من النهاردة و أدي لنفسك وقت كل يوم تهتمي فيه وتعالجي عيوب بشرتك او جسمك او حتي تمارسي رياضة.
المهم ما تخليش مشاغلك ومسئولياتك تأثر عليكي و تهملي نفسك.
أرفعي معنوياتك باهتمامك بنفسك .
صالحي نفسك باهتمامك بنفسك.

» لجمال بشرتك
» معانا 500 تفاحة :)
» مين معانا على كرسى الاعتراف
» مسابقة كل ليله فى رمضان اول عضو / ه معانا ( موج البحر )
» مين اول عضو هيكون معانا على كرسى الاعتراف يلا الكل يصوت