ابوحمزه الجمل شخصية هامة
إحترام قوانين المنتدي :
دولـــــــتــــــي :
وظــيــفــتــــي :
مــــــزاجــــــي :
نـــــــوعــــــي :
مــســاهــمـاتي : 2
تــســجــيـلـي : 16/03/2012
عـــــمـــــري : 40
عملي\هوايتى : كتابة القصص
sms :
| موضوع: يوميات شاب عايز يتجوز:الحلقه الاولى الجمعة مارس 16, 2012 1:03 pm | |
| بسم الله الرحمن الرحيم اخوتى اعضاء منتدانا بعون الله تعالى ابدا سلسلة يوميات شاب عايز يتجوز ارجو ان تنال اعجابكم
والان اعرفكم على ابطال اليوميات الرئيسيين وكالعاده وكما يقول الايتيكيت السيدات اولا فاننى سابد بالرجال اولا لانى كما تعلمون لا احب الايتيكيت بطلنا شاب برمبالى ممكن يكون انا وممكن يكون انت اسمه علاء خاطب وعايز يتجوز اليومين اللى جايين دول
خطيبة علاء واسمها رحاب زيها زى اى بنت برمباليه وممكن تكون انت او اختك او واحده قريبتك المهم انها من برمبال وباقى الابطال حنتعرف عليهم فى وقت ظهورهم فى الحلقات اهم حاجه دلوقتى احنا اتعرفنا على الابطال الرئيسيين هما (علاء - رحاب) وعشان خاطر اخواتى من الجنس الناعم فى المنتدى نمشيها (رحاب - علاء) وعشان ما اطولش عليكم نبدا معاكم الحلقه الاولى وندخل فى الموضوع على طول
اخوتى ابدا معكم ببسم الله الرحمن الرحيم وعلى بركة الله الحلقه رقم
1
علاء يا جماعه ده شاب طيب ومحترم والناس بتحبه شغال نجار موبيليا وخاطب رحاب بقاله دلوقتى 4 شهور وكان متفق مع حماه الحاج سالم على ان الجواز حيكون فى خلال 6 شهور يعنى باقى شهرين ويتجوز هو من نحيته جاهز وبدا كمان يختار هو ورحاب العفش بتاعهم واكيد حيوفر كتير لانه حيعمله بايده وكمان الصنايعيه اصحابه حيجاملوه فى الدهان وخلافه وهو دلوقتى واخد كتالوج وقاعد عند نسايبه وبيفرج رحاب على صور الاوض وطبعا حماته بتتفرج ولازم تقول رايها
رحاب بقى يا جماعه بنت متواضعه يعنى عايزه تعيش والشكليات ما بتفرقش معاها وهى كمان فى خلال 4 شهور بتوع الخطوبه دول اعجبت باخلاق علاء يعنى هى شايفه انه محترم وبيعاملها معامله كويسه ودى اهم حاجه عندها يعنى مش فارقه معاها عفش ولا ااى حاجه من الكلام ده بس طبعا .............
ما تيجو نشوف اللى حصل احسن ما احكيلكم انا علاء بدا السؤال ايه يارحاب ايه الاوضه اللى عجبتك فى الاوض دى والله يا علاء هما كلهم حلوين ومحتاره طيب قوليلى ايه اللى شادد انتباهك يعنى
ردت امها الست مجيده وقالت ما تسيب الكتالوج ده هنا وسيبها تختار براحتها يا حماتى انا رايح دمياط بكره عشان اجيب لوازم العفش ولازم نختار الاوضه عشان اروح بكره عارف حجيب ايه يعنى انت على طول مكركب نفسك كده يا علاء ما تستهدى بالله شويه وتاجلها لبعد بكره ما عدش ينفع يا حماتى انا اتفقت مع العربيه اللى حتودينى خلاص ما ينفعش ارجع فى كلامى طيب ياسيدى اختارو حاجه بقى هيه ايه رايك يارحاب والله انا محتاره يا علاء اللى حتختاريه انا حجيبه طيب ايه رايك فى دى او دى الاولى جميله بس فيها مرايات كتير وبتبقى غلط عشان الدلفه لو وقعت على عيل وللا حاجه ممكن تعوره طيب والتانيه دى دى جميله بس اخر كلام وللا نرجع نقول يا رتنا انا محتاره يا علاء بس هى دى افضل حاجه يعنى وحتكون متلايمه كده طيب خلاص نتوكل على الله
واتفقو سوا على الاوضه اللى حيعملوها بس الست مجيده قالت لعلاء انا كنت عايزه اكلمك فى حكاية الشقه يا علاء مالها ما هو انا شغال فيها عارفه بس انا كنت عايزه اقولك على الحمام ماله الحمام يا حماتى دلوقتى انت حتعمله سيراميك صح مهو ده طبيعى ايوه بس انا عايزاك تعمله سيراميك للسقف طيب وليه يعنى حتفرق ايه يعنى دا انا شفته عند بنت اختى كانو بيظبطو شقتهم وعملو سيراميك للسقف بس شكله ايه جميل يا حماتى انا اشتريت السيراميك خلاص وبالحساب لسه حشترى سيراميك تانى طيب وفيها ايه يعنى يا حماتى نوفر حق السيراميك ده ونشترى حاجه تنفع وهو ده يعنى حاجه ما تنفعش مش قصدى بس فى حاجه اولى من حاجه طيب تعرف ان فى ناس بتعمل السقف نفسه سيراميك عارف يا حماتى بس كل برغوت على قد دمه هى حتفرق ايه يعنى 200 او 300 جنيه ما هم ال 200 جنيه دول اجيب بيهم مراوح احسن ينفعونا فى الحر وللا ازود عليهم كمان 200 واجيب سخان ما يبقاش احسن هو احسن بس اللى ما بيتعملش دلوقتى ما بيتعملش بعد كده
ردت رحاب وقالت خلاص يا اما انا عندى السخان احسن منه يا حماتى والله انا عايز اعمل كل حاجه واجيب لبنتك كل اللى هى عايزاه بس واحده واحده عليا انا كده اى حاجه اقولها تبقى وحشه ومحدش بيسمعلى كلمه انت عايزه ايه بس يا حماتى مش عايزه حاجه يا علاء انا قطمت اهو انا عايز اعرف بس ايه اللى زعلك دلوقتى انا قلت حاجه غلط لا يا ابنى انا اللى غلطت لا حول ولا قوة الا بالله همست رحاب وقالتله سيبها دلوقتى هى حتروق لواحدها طيب انا حقوم امشى انا بقى عشان حقوم بكره بدرى اروح دمياط طيب ما تقعد لما نتعشى سوا لا ماليش نفس الحمد لله شبعان (عنده حق والله بعد الكلام ده حيجيله نفس ياكل ههههههههه) وطلع علاء من بيت نسايبه زهقان وروح على بيته ونام عشان حيروح بكره دمياط
وان شاء الله نبقى نكمل باقى الحكايه قريبا ان شاء الله
انتظرونى
| |
|
وحيدة بدنياي عضو مؤسس
إحترام قوانين المنتدي :
دولـــــــتــــــي :
وظــيــفــتــــي :
مــــــزاجــــــي :
نـــــــوعــــــي :
مــســاهــمـاتي : 795
تــســجــيـلـي : 27/06/2009
عـــــمـــــري : 29
عملي\هوايتى : اكيد بدرس/قاعدة على اللاب توب
| موضوع: رد: يوميات شاب عايز يتجوز:الحلقه الاولى السبت مارس 17, 2012 4:24 pm | |
| جميييييله يا ابو حمزه وننتظر الجزء التانى | |
|
مريم مريومهـ
إحترام قوانين المنتدي :
دولـــــــتــــــي :
وظــيــفــتــــي :
مــــــزاجــــــي :
نـــــــوعــــــي :
مــســاهــمـاتي : 2555
تــســجــيـلـي : 16/06/2009
عملي\هوايتى : مديرة المنتدي
sms :
| |