اسمى شهيد"عمرو قطامش"

أسمي شهيد "عمرو قطامش"


جدع يا باشا قتلتنى .. وبغاز مسيل سممتني
ومن الحياة ريحتني نسيت انك كمان دبحتني
جمب الزباله ركنتني .. وعلي ارض مصر سحلتني

معقوله لسه ما عرفتني؟
... ... ها يا باشا افتكرتني؟؟

أنا يا باشا أسمي شهيد ..
مانيش واحد من العبيد

تدوس عليه وتقول اصله عنيد .. انا اللي صفيت عيونه بدوسة ايد
انا اللي كنت في التحرير جايب لمصر عهد جديد

لساك يا باشا بتقول نسيت؟
معذور يا باشا في مني كتير

قوللي يا باشا ما سمعتش ليه كلام الوزير
قاعد يقول ضبط النفس وهو كلب زي المشير

عيب يا باشا لما تقول البلطجيه هما اللي في التحرير
عيب يا باشا لما تقول ان الشهيد مجرم خطير
قول للمشير كفايه كلام اصل كلامه بقي كتير
لسه بيسأل عن الرحيل ويقول حددوا انتو المصير

انا موافق علي الكلام بس عندي سؤالين اتنين
احمد حرارة عيونه فين؟
وحق الشهيد نجيبه منين؟

قوله يا باشا لو عنده اجابه اوام يقول واحنا مستنيين
خلص الكلام اعذرني يا باشا الود ودي اقول كمان
بس معلش كده كفايه بيندهوني في اعلي الجنان

ياريت توصل كلامي يا باشا يا ريت تقول ..

أنـا مش جبــان !

لـ عمرو قــطــامـش

جميل جداااااااا تسلمى

شكرا يااسلام مرورك الاجمل