عارفين اية هو الشعور دة

عارفين الشعور ده؟؟؟؟


عارفين الشعور ده؟؟؟
عارفيه لما تفتكرى حاجه كده
تحسى انها بتشدك لذكريات
انت مش عارفه ايه الذكريات دى
بتشدك لحاجه كده
بحاجه انتى مش عارفاها
وممكن تدخلك فى شعور كداغريب
حزن مع الم مع فرحه
الشعور ده ..
عارفينه ...


عارفه لما تسمعى اغنيه كدا
تلاقى نفسك بتبتسمى من غير سبب
بس من جواكى حزين قوى
وتلاقى شعور بداء يدخل جواكى
انتى مش فاهماه
وتحاولى تفهمى ايه ده
وفى الاخر متفهميش
عارفه لما تروحى تقفى على البحر
وتاخدى نفس عمييييق
بعديها تلاقى نفسك بتبتسمى
بس جواكى حاجه مش قادرة تخرج
حاجه يمكن بتقطعك من جوة
مش عارفه تتخلصى منها
عارفين الشعور ده؟؟؟


طيب عارفين ؟؟؟
لما تبقى صاحيه من النوم
اليوم لسه مبدأش اهه
وتلاقى نفسك على السرير لسه
وغصب عنك تنزل دمعه
تفضلى ساعتين تعيطى على المخده
المخده اللى تعبت مننا كل يوم
كل يوم يتحس بينا قبل ما ننام
ونقوم من عالسرير ومحدش يعرف حاجه
عا رفين الشعورده....؟؟؟؟


عارفين لما تكونوا اصحاب مجتمعين فى يوم كده
وكلكوا مهيسين وبتضحكوا
واللى يشفكوا كده من بعيد لبعيد
يقول الناس دى رايقه
وحياتها تمام قوى
وانتو اصلا بتضحكوا بدل ما تعيطوا
ومحدش حاسس بحاجه
ومحدش فاهم حاجه
لاء ولا ايه
محدش هيقدر اصلا
انه يفهم او يحس باللى جواكم
عارفين لما تكون الساعه 2بالليل
لما البيت كله يكون نايم
بتبقى عايزه تصرخى باعلى صوتك
كفااااااااااااايه حرااااااااااااام
كفايه بقى ما خلاص
حرام عليكوا قوى كدا
بس كفايه ايه...معرفش
كفايه وخلاص



طيب عارفين الشعور ده ؟؟؟؟
لما تكونى راجعه من يوم اسبشيل قووووووووىبالنسبه ليكى
وترجعى متحكيش لحدمن اللى فى البيت على اللى حصل
ويمكن متحكيش لحد خالص
ولا يقولك تعالى ياحبيبتى عملتى ايه
احكيلى ابسطينى معاكى
تبقى عايزة حد معاكى قووووووىيفرح معاكى كده بس متلاقيش
وتروحى قبل ما تنامى تراجعى اليوم ده كده لقطات بسيطه
وانتى جايه تنامى تقعدى تعيطى
مع ان فيه ناس كتير يحسدوكى على اليوم ده



عارفه لما تحسى انك عايزة مساعده من حد
اى انسان
اى مخلوق
حاسه انك بتغرقى
بتغرقى فى ايه مش عارفه
بس انتى محتاجه للمساعده
محتاجه حد ينجدك
مش عارفه تطلبيها من مين
وحتى لو طلبتى المساعده
هتقولى ايه
عايزاك تساعدنى وخلاص
هيرد
ويقولك اساعدك فى ايه
هتقولى حاسه انى بغرق الحقنى
هيقول بتغرقى فى ايه
ما انتى واقفه قدامى اهو
انتى محتاجه مساعده
بس مساعده فى ايه انتى مش عارفه
وتفضلى تغرقى ومش لاقيه مساعده



طيب عارفين؟؟؟؟
لما تحبى تسمعى كلمه معينه من شخص معين
كلمه ممكن تكون مكونه من حرفين بس
مش صعب عليه يقولها
تلاقيه ولا بيتكلم
تحسى انه تمثال
ما تتكلم بقى
ماهو انا شيفاك بتقولها مليون مرة
شايفاها فى عينيك
حساها قوى
عايزة اسمعها بقى
قووووووول
اتكلم
ولما يتكلم
تحسى انه بيشفق عليكى
بتشفق عليا
طيب لما انت كده
بتحسسنى بيها ليه من الاول اصلا
بتعيشنى فى الشعور ده ليه من الاول
ولو للحظات لما ده مش حقيقه



عارفين بقى
لما تلاقى نفسك كده عايشه شعور جميل قوى مع نفسك
انتى بتحبى جديد...انت عاشقه
بس اللى يضحك ان مفيش حبيب
انتى لوحدك بتحبى وخلاص
انتى بتحبى اه بس اللى بتحبيه مش موجود
بس هو فين ..معرفش



طيب عارفه لما تبقى عايزة تسمعى صوت حد معين اوووى ..وحشك اوووى
عايزة تسمعى صوته وتطمئنى عليه
وتفضلى مستنياه ..مستنيه..مستنيه
وفى الاخر ميتصلش
لاء وبعدين يتصل حد تانى
وتقول اخير اهو.. وتردى بلهفه
وتسمعى صوت حد تانى
مش دا اللى كنتى مستنياه
والشعور ده كله مش بيتوصف بكلمات اصلا
بيبقى عميق اوى بيبقى جاى من جواكى
ومش عارفه اصلا هو اتولد ازاى جواكى
عارفين الشعور ده؟؟؟؟
وتقبولوا تحياتى لكم
الحريف

مشكور اخى احسك نشط والى الامام
مـــــــــــتمــــــيز